Атырауда өзін өртеп өлмек болған экс-прокурор 7 жылға сотталуы мүмкін
Өзін-өзі өртеген атыраулық экс-прокурор 7 жарым жылға бас бостандығынан айырылуы мүмкін. Бүгінгі жарыссөз кезінде мемлекеттік айыптаушы бұрынғы әріптесі Ләйла Смадиярованы осындай мерзімге соттауды сұрады.
Тек ол жазасын балалары 14 жасқа толғаннан кейін өтейтін сыңайлы. Өйткені, экс-прокурордың кішкентай 2 баласы бар. Бір қызығы, Смадияроваға қатысты қылмыстық істе куәгерлер болғанымен, жәбірленушілер мүлдем жоқ. Яғни басты куәгерлер – түрменің бұрынғы бастығы мен бас есепшісі және түрмеге түрлі зат жеткізумен айналысқан кәсіпкер келіншек.
Тергеу мәліметінше, Смадиярова бұлардан жүйелі түрде ақша бопсалаған. Ал сотталушының өзі істің куәгерлердің сөзі бойынша құрылғанын, заттай дәлелдердің жоғын айтады. 31-ші қаңтар күні Ләйла Смадиярова кінәсіз екенін дәлелдемек болып, Атырау облыстық прокуратурасының ғимараты алдында өз-өзіне от қойған болатын. Беті мен тірсегі күйіп қалған келіншекке қатысты үкім апта соңына дейін шығады деп күтілуде.
Астанада 68 жастағы қарияны металл іздегіштен өтерде шалбарын шешкені үшін жазаға тартты
Қазақстандықтар қарияны жақтап полицияның әрекетіне наразылық білдірді
"Алып қашып кетпек болған": Алматыдағы гүл сататын дүкен қыздың жеке дерегін біреулерге беріп жіберген
Белгілі болғандай, бұл жігіт бұған дейін де мазалап жүрген