Атырауда сыбайлас жемқорлыққа қарсы агенттіктің қызметкері пара алғаны үшін ұсталды
Атырауда сыбайлас жемқорлыққа қарсы іс-қимыл агенттігінің қызметкері пара алғаны үшін ұсталды, деп хабарлайды Stan.kz ақпарат агенттігі.
"1 шілдеде Сыбайлас жемқорлыққа қарсы іс-қимыл агенттігінің ішкі қауіпсіздік басқармасы мен Атырау облысы бойынша сыбайлас жемқорлыққа қарсы іс-қимыл агенттігі бірлесіп, сыбайлас жемқорлыққа қарсы қызметтің офицерін ірі көлемде пара алғаны үшін ұстады", – делінген ведомство хабарламасында.
Күдікті уақытша тергеу изоляторына қамауға алынды.
Агенттік мәліметінше, қылмыстық-процестік кодекстің 201-бабына сәйкес тергеу мүддесіне сай өзге де ақпарат жария етуге жатпайды.
"Ақ Жайық" басылымында жарияланған ақпаратқа сүйенсек, қызметкер павлодарлық ұйым жетекшісінен 21 миллион теңге көлемінде пара алған.
Талқылау