Атырауда футбол жанкүйерлері жаппай төбелес шығарған: 30 адам ұсталды (видео)
"Ақтөбе" мен "Атырау" футбол командалары арасындағы матчтан кейін Атырауда жаппай төбелес болып, полиция бөліміне 30 адам жеткізілген, деп хабарлайды Stan.kz ақпарат агенттігі.
Атырау облысы полиция департаментінің хабарламасына сәйкес, 19 маусымда 17:55-те "Атырау" мен "Ақтөбе" арасындағы матч алдында жанкүйерлері арасында жанжал туындаған.
"Атырау полиция басқармасына қызметкерлер қоғамдық орында тәртіп бұзған 30 адамды жеткізді. Сәйкес құжаттар жиналып жатыр", – делінген Атырау облысы полиция департаментінің баспасөз қызметі ұсынған хабарламада.
Ведомстводағылар әлеуметтік желідегі полиция қызметкерлері азаматтарды ұстау барысында дыбыс гранаталарын қолданғаны туралы ақпаратты жоққа шығарды.
"Полицейлер дыбыс әсері бар арнайы құралдарды қолданған жоқ. Жанкүйерлер қолында түрлі-түсті түтін мен дыбыстық петардалар болды. Зардап шеккендер жоқ", – деп қосты ведомстводағылар.
Алматыда бір айлық сәбидің басына төбеден біреу қаламсап лақтырған: Полиция тексеру бастады
Нұрахмет заттың нақты қай пәтерден лақтырылғанын анықтауды сұрап отыр
Қазақстан оқушылары басқа елдермен салыстырғанда қаншалықты жақсы оқиды?
PISA-2025 зерттеуіне “Цифрлық әлемде оқу” атты жаңа бағыт енгізілген