Астанада ЭКСПО көрмесінің ғимараты опырылып түсті (видео)
Елордадағы құрылысы жүріп жатқан ЭКСПО-2017 көрмесінің ғимараты дәл ортасынан опырылып құлады, деп хабарлайды Қазақпарат.
Оқыс оқиғаны ғимарат маңында жүрген жұмысшылар видеоға түсіріп алып, желіге салған.
«Астана ЭКСПО-2017» ұлттық компаниясы баспасөз қызметінің жетекшісі оқыс оқиға жайлы пікір білдірді.
«Төтенше жағдай бүгін күндіз болды. Жапа шеккендер жоқ. Екі павильонның арасын жалғап тұрған констукция құлады. Мердігерлікке жауапты BI Group компаниясы. Осы компания барлық шығынды есептейді. Жедел жәрдем қызметі міндеті болғандықтан оқиға орнына келіп кетті», – дейді Сергей Куянов.
«Астана ЭКСПО-2017» ұлттық компаниясының баспасөз қызметі оқыс оқиға салдарынан зардап шеккен жандар жоқ деп мәлімдеді.
Ал, Астана қалалық денсаулық сақтау басқармасының баспасөз қызметі бір адамның жапа шеккенін хабарлады.
Бұған дейін компанияның төрағасы Ахметжан Есімов алғашқы 4 елге павильондарын тапсырған болатын. Құлаған ғимарттың ішінде де өзге елдердің павильондары орналасуы тиіс болған.
Жіберіп алмаңыз:
Хокинг жер бетінде ақырзаманның қашан орнайтынын айтты
Үш жасар Айлиннің анасы сот отырысында жылап, күйеуін кінәлады
Қытайда той қонақтары жас жұбайларды елдің көзінше секспен айналысуға мәжбүрледі (видео)
Қытайда өзі жетім өскен қазақ қызы 62 мүгедек баланы асырап алды