Астанада тұрғын үй ауласында екі жасар баланы көлік қағып, қаза тапты
Астанада тұрғын үйлердің бірінің ауласында автокөлік баланы қағып кетті. Бала оқиға орнында қаза тапқан. Бұл туралы Stan.kz ақпарат агенттігі хабарлайды.
Қайғылы оқиға 3 мамыр күні Иманов көшесіндегі үй ауласында болған. Оқиға бейнекамераға түсіп қалған. 1 жас 8 айлық бала оқиға орнында қаза тапты.
"Kia Seltos автокөлігінің жүргізушісі аула ішінде қозғалып келе жатып, жолға жүгіріп шыққан баланы қағып кеткен. Алған жарақаттарының салдарынан бала оқиға орнында көз жұмды", – деп хабарлады елордалық полицияның баспасөз қызметі.
Аталған факті бойынша қылмыстық іс қозғалды, тергеу амалдары жүргізіліп жатыр.
Еске салсақ, осыған дейін Түркістан облысында жүргізуші кәмелетке толмаған жаяу жүргіншіні қағып кеткенін жазғанбыз. Ол оқиға орнынан қашып бара жатып, тағы бір баланы қаққан.
Талғарда баланы азғындамақ болған ер адам ұсталды: Қыздың анасы істі ешқандай адвокат алмай жатқанын айтады
Талғар қаласында ұрлық үстінде бала зорлауға әрекет жасаған ер адамды полиция ұстады
Өзбекәлі Жәнібеков кім және Қазақстанда оның кесенесі неліктен тарих және мәдениет ескерткіші деп танылды
Реставрацияның мақсаты – кесененің жағдайын жақсартып, сәулеттік келбетін сақтау және ғұмырын ұзарту