Астанада автобус жүргізушісінің бетіне баллоннан бұрыш шашқан бұзақы қамауға алынды
Қоғамдық көлік жүргізушісіне баллоннан бұрыш шашқан бұзақы қамауға алынды. Бұл туралы Stan.kz ақпарат агенттігі хабарлайды.
Фото: Видеодан скрин
Елордалық полиция департаментінің мәліметінше, оқиға күндіз Қалдаяқов көшесінде болған. Автобуспен Kia автокөлігінің жүргізушісі жанжалдасып қалған.
“Жеңіл көліктің жүргізушісі аялдамаға тоқтағалы жатқан қоғамдық көліктің жолын кесіп кеткен. Сөйтіп автокөліктің жүргізушісі автобусқа жақындап келіп жүргізушіге баллоннан бұрыш шашып, қашып кеткен”, – делінген хабарламада.
Жедел іздестіру шараларының нәтижесінде Kia автокөлігінің 37 жастағы жүргізушісі ұсталып, көлік коммуналдық тұраққа қойылды. Сот шешіміне сәйкес, астаналық тұрғын бұзақылық жасағаны үшін 10 тәулікке қамауға алынды.
"Қазақстандық өнімді сөреге қойғызбайды": Ақтаудан Алматыға бизнесін дамытуға келген кәсіпкер өндірісін жабуды ойлап жүр
Сөзінше, отандық өнімді қолдамай, оның тауарларына арналған сөре берілмейді.
1 миллион 200 мың теңге: Қазақстанның қай өңірінде мұғалімдер көп жалақы алады
Алматы облысында бір мұғалімнің айлық жалақысы 1 миллион 228 мың теңгеге жеткен