Соңғы жаңалықтар
Соңғы жаңалықтар

Әскери борышын өтеуге барған маңғыстаулық жігіт бір аптаға жетпей көз жұмды

Жамбыл облысына әскери борышын өтеуге келген маңғыстаулық мерзімді қызметкер шақырудан бірнеше күн өткен соң көз жұмды,  деп хабарлайды Stan.kz ақпарат агенттігі InAktau-ға сілтеме жасап.

Марқұмның туыстарының айтуынша, Ақшұқырда тұратын 18 жастағы Әлібек Қалбай ҚР Қорғаныс министрлігінің 30212 әскери бөліміне әскери борышын өтеуге жіберілген. Мекеме Жамбыл облысы Қордай ауылында орналасқан.

“Қазір анасымен мәйітханада отырмыз... Оны бірнеше рет ұрып-соққан, басында іздер бар. Бүгін Ақтауға қайтамыз. 13 сәуірде ұстап алып, әскерге жіберді. Сәуірдің 18-і күні әскери бөлімге ұшып барды, ал кеше таңертең осындай хабарлама келді… Бүкіл Қазақстан әскерде бала біткеннің  бәрі өлетінін, ұрып-соғатынын білсін. Ол қызмет еткісі келмеді, бірақ оны жұмысында іздеді, үлкен айыппұл саламыз деп қорқытты...", - дейді марқұмның туысы Динара Тілесова.

Туыстары бұл оқиғаны әділ тергейді деп үміттенеді.

Қорғаныс министрлігінде жедел қызметтің қатардағы жауынгері Әлібек Қалбай Саламатұлы 22 сәуірде қалалық үлгідегі Гвардейск кентіндегі әскери госпитальда қаза болғанын хабарлады.

"Сарбаз таңғы жасақтау кезінде есін жоғалтты. Әскери қызметкерге қажетті медициналық көмек көрсетілді. Алайда ол есін жимай көз жұмды. Сарбаздың өліміне қатысты тергеу басталды.  Қорғаныс министрлігінің басшылығы мен Қарулы Күштердің жеке құрамы Әлібек Қалбайдың туыстары мен жақындарына қайғырып көңіл айтады", - делінген хабарламада.

Талқылау