Антикор халықаралық жасыл технологиялар орталығының басшысын ұстады
Астанада халықаралық жасыл технологиялар және инвестициялық жобалар орталығының басшысы қамауға алынды. Бұл туралы Stan.kz ақпарат агентігі хабарлайды.
Фото: freepik.com
Ақпаратты сыбайлас жемқорлыққа қарсы қызмет агенттігі растады.
"Астана қалалық сыбайлас жемқорлыққа қарсы қызмет өкілдері "Халықаралық жасыл технологиялар және инвестициялық жобалар орталығы" КЕАҚ басқарма төрағасын ұстады. Соттың санкциясымен оған қамауға алу түріндегі бұлтартпау шарасы тағайындалды. Өзге ақпарат қылмыстық-процестік кодекс шеңберінде жарияланбайды", – делінген хабарламада.
Халықаралық жасыл технологиялар және инвестициялық жобалар орталығының сайтында жарияланған мәліметте компанияның басқарма төрағасы 39 жастағы Олжас Ағабеков екені айтылған.
Еске салсақ, бұған дейін БАҚ-та экология және табиғи ресурстар вице-министрі Мансұр Ошурбаевтың ұсталғаны туралы ақпарат тарағанын жазған едік.
"Тұмау деп жаппақ болды": Алматы тұрғыны әкесінің дәрігерлердің салғырттығынан өлім аузынан қалғанын айтты
Жанна: "Науқастың дене қызуы көтеріліп, ауырсынуы күшейсе, дәрігер мұның бәрін тұмауға қалай жаба салады?"
"Терапевтке жазыла алмаймыз, УДЗ-ға үш ай кезек күтеміз": Қазақстандықтар МӘМС жүйесіндегі мәселелерді көтерді
Сания: "Ал ақылы түрде десең шұғыл-ақ қабылдайды"