Әнші Inna Қазақстанда өтетін концерттерін жер сілкінісіне байланысты кейінге шегерді

Румыниялық әнші Inna Қазақстанның ірі қалаларындағы өтетін концерттерін наурыздың алғашқы күндерінен сәуірдің соңына ауыстырды. Мұндай шешімге Алматыда болған жер сілкінісі себеп болған. Бұл туралы Stan.kz ақпарат агенттігі хабарлайды.

Әншінің өнер көрсетуі 8 және 9 наурызда Алматыда және Астанада өтеді деп жоспарланған болатын. Енді концерттер Алматыда 29 сәуірге және Астанада 30 сәуірге ауыстырылды.

“Өкінішке орай, жақында Алматыда болған жер сілкінісіне байланысты промоутерлер концерттерді кейінірек уақытқа ауыстыру қауіпсіз болады деп шешім қабылдады. Ертең бірге отыра көңіл көтере алмайтынымызға өкінемін, бірақ қауіпсіздік бірінші орында”, – деп жазды әнші.

• Магнит дауылының соңы қуатты жер сілкінісін тудыруы мүмкін бе – Сейсмолог маманмен сұхбат


• "Кейде тіпті жалақысын ала алмайды": Депутат Алматыдағы сейсмология институтының аянышты жағдайда екенін айтты

Румыниялық әнші Inna халықаралық атаққа 2009 жылы өзінің алғашқы альбомы Hot альбомы әртүрлі елдердегі музыкалық хит-парадтарда бірінші орынға шыққан кезде қол жеткізді.

Айта кетейік, 4 наурызда түскі уақытта Алматыда күші бес балдық жер асты дүмпулері сезілді. Жерасты дүмпулерінің ошағы қаладан 31 шақырым жерде болған. Төтенше мәлімет бойынша, 156 тұрғын үй мен әлеуметтік нысандар зардап шегіп, бір адам ауыр жарақат алғаны белгілі болды.

Бұған дейін Алматыдағы жер сілкінісінен кейін қай көпқабатты үйдің қабырғасы жарылғаны белгілі болған.