Анасы жаңа туған сәбиін ұшақта танысқан бейтаныс әйелге бере салған (фото)
АҚШ-та 24 жастағы Саманта Снайпс көңіл қосқан жігітінен жүкті болып қалған. Алайда сүйіктісі жиі ұрып-соғатын болғандықтан, онымен қарым-қатынасына нүкте қойып, екі жаққа кетісуге шешім қабылдаған.
Бұл туралы Сегодня басылымына сілтеме жасап Stan.kz хабарлайды.
Саманта жігітімен қош айтысқаннан кейін, Арканзаста тұратын анасына кеткен. Алайда ол өзінің ана атануға дайын еместігін түсініпті.
Жұмыс бабымен Солтүстік Каролинаға аттанған Саманта ұшақта бір әйелмен танысқан. Әңгіме барысында ол бейтаныс әйелдің бала сүйе алмай жүргенін біледі. Бейтаныс әйел өз сөзінде бала асырап алғысы келетінін айтқан.
Солтүстік Каролинаға жеткен Саманта 3 күннен кейін сол жерде босанып қалады. Мұнан кейін ол ұшақта танысқан әйелге хабарласады.
Өз кезегінде Темпл бірден перзентханаға келіп, Саманта мен сәбиінің жағдайын біледі. Ол сәбиді бауырына басып, айналып-толғанады.
Темплдың сәбиге деген мейірім-махаббатына куә болған Саманта оған өз баласын беруді ұйғарған.
Оқи отырыңыз:
Мешітте кәсіпкердің 40 мың доллар көлеміндегі ақшасы қолды болды
Әлемдегі ең кәрі адам қайтыс болды
Үлкен жүректі кішкентай жігіт: Головкиннің досы, актер Верн Тройер дүниеден озды (фото)
Камералар көлік тізгіндеген кезде әлеуметтік желілерде отырған жүргізушілерді іздейтін болады