Алматы облысында 22 жастағы азамат жоғалды
Алматы облысында 22 жастағы Ерік Қырғызбай деген азамат жоғалды. Талғар қаласының тұрғыны 8 шілде күні Алматыдан Талғар қаласына қарай шыққан. Бірақ, үйіне оралмаған.
Бұл туралы ҚазАқпарат хабарлайды.
Оның туыстарының айтуынша, 8 шілде күні 20 сағат 45 минутта Еріктің Toyota Camry маркалы автокөлігі Алматы қаласынан Талғар қаласына шыға берісте бейнебақылау камерасына түскен.
Кейін, Алматыдан 250 шақырым жерде, Кеген асуында сол автокөлік табылды. Бірақ, ішінде жүргізушісі болмаған.
Қазіргі таңда полиция қызметінің арнайы іздестіру тобы, сондай-ақ, 80 волонтер Ерік Қырғызбайды іздестіріп жатыр. Олар Алматының айналасын 60 шақырымға дейін қарап шықты. Әзірге нәтиже жоқ.
"Өш алу үшін жасады": ҚазҰУ-да жұмыстан кеткен оқытушылардың бірі даудың қалай басталғанын айтып берді
Жұмыстан босатылған 4 оқушының біреуі сұхбат берді
"Миллиондар жоғалттым": Қазақстандықтар трейдингпен айналысамын деп сан соғып қалғандарын айтты
"500 мың теңгеге курс алып, бүкіл депозитімнен айырылдым"