Алматыда троллейбус өртенді
Алматыда Жандосов пен Алтынсарин көшелерінің қиылысында жолаушылар троллейбусы өртенді, деп хабарлайды Stan.kz ақпарат агенттігі.
Өртеніп жатқан троллейбустың видеосы желіде тарады.
"АлматыЭлектроТранс" ЖШС-ның мәліметінше, жүргізушіден №12-ші троллейбустың өртенгені туралы хабарлама сағат 14.55-те түскен.
"Көліктің төбесі жанды (төменвольтты зарядтау құрылғысы). Жүргізуші өрт сөндірушілер келгенше, өртті өзі сөндіріп үлгерді. Кейін троллейбусты паркке сүйреп әкетті. Зардап шеккендер жоқ", - деп хабарлады компанияда.
Еске салайық, бүгін Алматыда түстен кейін күн күркіреп, жаңбыр жауды. Толассыз жауған жауын суы көшелердегі арықтарды толтырып, көшелерді су басты.
Талқылау
Пікір