Алматыда сауда орталықтары қандай жағдайда ашылады

Алматыда қандай жағдайда сауда орталықтары ашылады? Бұл туралы Алматы қаласындағы санитарлық-эпидемиологиялық бақылау департаменті басшысының орынбасары Әсел Қалықова онлайн-брифинг барысында айтты.

Сауда орталықтары мен сауда үйлері қашан ашылуы мүмкін деген сұраққа Қалықова қаладағы қиын жағдайды еске түсірді.

«Біз барлығымыз жағдайдың маңыздылығын, Алматының «қызыл» аймақта тұрғанын түсінеміз. Осыған байланысты шектеу шаралары қабылдануда. Біз тек өзара күш-жігермен аурудың төмендеуіне қол жеткізе аламыз. Индекс қандай болуы керек - таралу индексінің төмендеуіне қол жеткізгенге дейін, 7 күн ішінде бір реттен төмен болмауы керек, бұл шектеулер алынып тасталмайды», - деді Қалықова. 

Алматыда үйде оқуға мүмкінігі жоқ студенттер жатақханада тұра алады