Алматыда мәйітхана күзетшісі мәйіттерді зорлап, оны видеоға түсірген

Мәйітханада өлген адамдардың денесін қорлаған некрофил ұсталды. Бұл туралы Stan.kz ақпарат агенттігі Михаил Козачковтің Telegram арнасына сілтеме жасап хабарлайды. 

Фото: t.me/kozachkow

Заң бұзушыға қатысты Қылмыстық кодекстің 314-бабы бойынша "Қайтыс болғандардың мәйіттері мен олардың жерленген жерлерін қорлау) бойынша қылмыстық іс қозғалды.

"Оны қалай анықтады? Менің дереккөзімме сәйкес, азғынды әшкерелеуге ломбард қызметкерлерінің бірі көмектескен. Ер адам ломбардқа телефонын кепілге қоюға келген. Телефонды бағалаушы кызметкер құрылғының ер адамға тиесілі екеніне көз жеткізу үшін одан галереяны ашуын сұраған. Ол жерде 18+ видеолар болған", – деп жазды журналист. 

• "Денесі мәйітханада жоқ": Алексей Навальныйдың жақтастары оппозиционердің мәйітін туыстары ала алмағанын айтты

• "Екі аяқпен келіп, денесін мәйітханадан алып кеттік": Алматыдағы перзентханада көз жұмған әйелдің өліміне туыстары дәрігерлерді айыптады

Полиция күдіктіні дереу қолға түсіріп, изоляторға қамады. Қылмыстық кодекстің 314-бабының санкциясы айыппұл, қоғамдық жұмыстар және тіпті 3 жылға дейінгі мерзімге бас бостандығынан айыру түріндегі жазаны қарастырады. 

Болған оқиғаға қатысты Алматы қаласы полиция басқармасының баспасөз қызметі пікір білдірді.

"Аталған дерек бойынша қылмыстық іс қозғалды. Күдікті ұсталды және уақытша ұстау изоляторына қамалды. Тергеу жалғасып жатыр", –  деп мәлімдеді полиция.