Алматыда ер адамды видеосын желіге жариялаймын деп бопсалаған блогер ұсталды (видео)
Алматыда өзін блогермін деп таныстырып, бопсалаған ер адам ұсталды. Бұл туралы Stan.kz ақпарат агенттігі хабарлайды.
Фото: Видеодан скрин
Блогер жәбірленушінің видеосын әлеуметтік желіге жариялаймын деп қорқытып, бопсалап, 700 мың теңге сұраған.
"Алматы полициясы бопсалау фактісі бойынша сотқа дейінгі тергеу жүргізіп жатыр. Бұл қылмысты жасады деген күдікпен өзін блогер деп таныстырған 37 жастағы ер адам ұсталды", – делінген полиция хабарламасында.
Күдіктіні кеше кешкісін ұйымдасқан қылмысқа қарсы күрес департаментінің қызметкерлері ұстады. Күдікті ақша алу мақсатында жүргізілген арнайы операция кезінде қолға түсті.
Ер адамның жанында, көлікте екі көмекшісі болған. Олардың да қылмысқа қатысқаны анықталды.
"Олардың әрекетіне құқықтық баға беріледі. Блогердің өзі уақытша ұстау изоляторына қамалды", – делінген хабарламада.
Жатақхананы аңдып, студент қыздарды зорлаған: ҚазҰУ-ды дүр сілкіндірген маньяк қалай ұсталды
Қылмыскер барлық қызды бірдей әдіспен өлтіріп, денелерін жатақхана маңына көмген
"Scopus-қа мақала шығару үшін 1,5 миллион теңге сұрайды": Қазақстандық ғалымдар докторантурадағы талаптарға наразы
Ресми деректерге сүйенсек, қазір Қазақстан бойынша докторантурада 7 600-ден 9 500-ге дейін докторант білім алуда