6 жылдан бері басқарған: Алматы облысы аудандарының бірінің әкімі ұсталды
Алматы облысында Іле ауданының әкімі Бағдат Қарасаев ұсталды. Бұл туралы Stan.kz ақпарат агенттігі хабарлайды.
Фото: Іле ауданының әкімдігі
Ақпаратты 4 қыркүйекте Сыбайлас кемқорлыққа қарсы агенттіктің баспасөз қызметі растады.
Тергеу билік пен лауазымдық өкілетін асыра теріс пайдалану фактілері бойынша жүргізілмек.
"Сыбайлас жемқорлыққа қарсы қызмет сотқа дейінгі тергеп-тексеру шеңберінде Алматы облысының аудан әкімі мен басқа да тұлғалардың әрекеті әшкереленгенін растайды. Соттың санкциясымен күдіктілер қамауға алынды. Тергеу жалғасуда", - делінген Антикор таратқан хабарламада.
Сондай-ақ, Қылмыстық-процестік кодекстің 201-бабына сәйкес өзге ақпарат таратуға жатпайтындығы айтылды.
Бағдат Қарасаев Іле ауданының әкімі қызметін 2018 жылдың қыркүйегінен бастап атқарады. Бұған дейін Алматы облысы әкімінің кеңесшісі болып жұмыс істеген.
Ұлттық қордан 6,5 триллион теңге алынса, Қазақстан экономикасына қалай әсер етеді
6,5 триллион теңге инфрақұрылымға жұмсалады: Бұл халықтың тұрмысын жақсарта ма?
"Қызымның арманы еді": Қазақстандық аналар баласын шетелге жіберуге рұқсат етпейтін әкелерге шағымданды
Әйел: "Талантты қызым конкурсынан қалды"