Алдағы бес айда үшінші дүниежүзілік соғыс басталуы мүмкін – Трамп
АҚШ-тың Экс-президенті Дональд Трамп қазіргі америкалық басшылықтың қабілетсіздігінің кесірінен сайлауға дейін қалған бес айда үшінші дүниежүзілік соғыс басталуы мүмкін екенін айтты. Бұл туралы Stan.kz ақпарат агенттігі eadaily.com порталына сілтеме жасап хабарлайды.
Фото Mary Altaffer
Экс-президент өзінің президент ретіндегі мұрагері және бәсекелесі Джо Байденді меңзеп, оның кесірінен алдағы бес ай қауіпті екенін жеткізді.
"Бұл елді басқаратын ақымақтардың кесірінен тірі қалатын адамдар аз. Өйткені қазіргі қарудың күші қорқынышты. Алдағы бес айда біз үшінші дүниежүзілік соғысқа ұшырауымыз мүмкін", – деді ол.
Трамп сонымен қатар қарашадағы сайлауда жеңіске жеткен жағдайда Украинадағы "қорқынышты" қақтығысты шешуге уәде беретінін жеткізді. Ол егер АҚШ-ты басқаруды жалғастырса, бұл қақтығыстың пайда болуына жол бермейтінін қайталады.
Трамп бұған дейін қайта сайланған жағдайда Ресей Федерациясы мен Украина арасындағы қақтығысты небәрі 24 сағат ішінде шешуге ниетті екенін бірнеше рет айтқан еді.
"Жарақатты үйде алдым деп айт": Жұмыс берушілер өндірістегі оқиғаны неге жасырады және қызметкер не істеуі керек
Жарақат алған жұмысшының құқығын қорғаудың қандай жолдары бар екенін заңгер айтты
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан