Акула бөгеттен өтіп кетіп, 4 жасар қызға қарай секірді (видео)
Аустралиядағы Квинсленд штатында доғал тұмсықты акула үрленген бөгеттен секіріп өтіп, теңіздің адамдар шомылып жүрген аумағына жүзіп келді.
Бұл туралы 9 News порталына сілтеме жасап Stan.kz хабарлайды.
Ұзындығы шамамен 1,5 метр болатын жыртқыш балықты жағажайға 4 жасар қызымен келген жергілікті тұрғын байқап қалған.
«Акула тордың маңында айналып жүрді. Одан өтіп, жағалауға жақын жүзіп келді. Мұнан кейін кері қайтты», – дейді ол.
Әйелдің сөзінше, сол кезде қызы бірден суға кіріп кеткенде, қайғылы жағдай орын алар еді. Алайда 4 жасар қыз акуланы көріп, суға түскісі келмейтінін айтыпты.
Айта кетсек, доғал тұмсықты акулалар тропикті және субтропикті жерлерде мекендейді. Олар жағалау маңындағы аумаққа келіп, адамдарға шабуыл жасауы мүмкін. Сондай-ақ, бұл акула адам өмірі үшін ең қауіпті акулалардың бірі болып саналады.
Оқи отырыңыз:
22 жастағы келіншек YouTube-тегі видеоға қарап өзін-өзі босандырған
23 жастағы ер адам ауру салдарынан сәби қалпында қалып қойған (фото)
Блогер Бота Мианың Қазақстан туын ат үстіне жабуы заң бұзу болып есептеле ме, ол үшін қандай жазаға тартылуы мүмкін
