Көлік бөлініп кеткен: Ақтөбе облысында жантүршігерлік жол апатынан 8 шетелдік қаза тапты
4 наурызда Самара-Шымкент тасжолында Маржанбұлақ ауылына жақын маңда жантүршігерлік жол апаты болып, салдарынан 8 шетелік көз жұмды. Бұл туралы Stan.kz ақпарат агенттігі хабарлайды.
Фото: Ақтөбе облыстық полиция департаментінің баспасөз қызметі
Осы жерде Өзбекстан Республикасының азаматы айдап келе жатқан Volvo жүк көлігі мен Toyota-Alphard минивэні соқтығысқан. Апат салдарынан минивэн жүргізушісі мен оның 7 жолаушысы – Өзбекстан азаматтары оқиға орнында қаза тапты.
“Алдын-ала мәліметтер бойынша, жүк көлігінің дөңгелегі жарылып, жүргізуші көлікті басқара алмай, қарсы бетке шығып кеткен. Салдарынан көліктер соқтығысьы. Жол-көлік оқиғасы бойынша сотқа дейінгі тергеу басталды, сараптама тағайындалды”, – деп хабарлады Ақтөбе облысының полиция департаменті.
Бұған дейін Қарағанды қаласында айналма тас жолда болған жол-көлік апатынан бес адам мерт болғанын жаздық. Облыстық полиция автокөліктер бетпе-бет соғысқанын айтты.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған