АҚШ елшілігі Қазақстанда ауғандықтарды паналату туралы өтінішке түсініктеме берді
АҚШ-тың Нұр-Сұлтандағы елшілігінде Америка үкіметінің "Талибанға" қарсы күресте америка армиясына көмектескен тоғыз мыңға жуық Ауғанстан азаматын Қазақстанда, Өзбекстанда және Тәжікстанда орналастыру туралы өтінішіне түсініктеме берді, деп хабарлайды Stan.kz ақпарат агенттігі.
"Жоғарыда айтқанымыздай, біз АҚШ әскеріне және АҚШ үкіметінің басқа қызметкерлеріне өздеріне және отбасына қауіп төне тұра көмектескендерді қолдауға тырысамыз. Біз тынбай жұмыс жасаймыз және бізге көмектескендерге көмектесе алатынымызға көз жеткізу үшін барлық жағдайларды алдын ала білуге тырысамыз.
Біз алаңдаушылық білдіретін бірқатар елдермен, арнайы иммиграциялық визаларға өтініш берушілердің тобын (арнайы иммиграциялық виза немесе SIV), сондай-ақ бізге көмектескен және қауіпті болуы мүмкін басқа адамдарды жылжыту мүмкіндігі туралы талқылаймыз.
Қазіргі уақытта бізде бұл туралы нақты жаңалықтар жоқ. Қауіпсіздік мақсатында біз ұсынылған операцияларды шектеуді жоспарлап отырмыз", – деді елшілік баспасөз қызметі.
Бұған дейін хабарланғандай, көптеген қазақстандықтар бұл жаңалыққа қызу үн қатқан. Алайда саясаттанушы Сұлтан Әкімбековтың пікірінше, АҚШ-тың мәлімдемесіне қазақстандықтарға тым эмоционалды қарамау керек. Өйткені бұл жөнінде әлі ресми мәлімдемелер болған жоқ.
Естеріңізге сала кетейік, 2 шілдеде АҚШ Орталық Азияның үш мемлекеті – Қазақстан, Өзбекстан және Тәжікстан басшылығына өз аумақтарында "Талибанға" қарсы күресте Америка армиясына көмектескен тоғыз мыңға жуық Ауғанстан азаматын уақытша орналастыру туралы келісімге қол қоюды өтінген болатын.