Ағылшын жігіті қырғыз қызына қол жеткізу үшін ислам дінін қабылдап, қалыңмал төлеген
Etihad Airways әуе компаниясының стюардессасы Жанна ағылшын жігіті Ибрагиммен Алматы-Әбу-Даби рейсі кезінде танысыпты. Ибрагимге көрікті қырғыз қызы ә дегеннен ұнап қалған.
Бұл туралы Limon.kg хабарлайды.
Бір көріп ғашық болған сұлу қызға қол жеткізу үшін Ибрагим ислам дінін қабылдап, көп ұзамай-ақ екі жас көңіл жарастырған. Олардың тойлары Парсы шығанағындағы Шейх Заид мешітінің қасында дүркіреп өткен.
Бірнеше ұлттың басын қосқан тойға 200-ден астам қонақ келген. Қыздың құрбыларының өзі алты елдің өкілдері, яғни алты стюардесса. Алдымен таңертең мұсылман салты бойынша неке қиылған. Мұнан соң европалық дәстүрге сай әкесі қызын күйеу балаға ұзатқан. Дін қызметкері болып істейтін Ибрагимнің әкесі неке сақинасын тағу және ант беру рәсімдерін жүзеге асырған.
Келіннің ата-анасы Ибрагимнің ата-анасына киіт кигізген. Ал оның ата-анасы өз кезегінде қалыңмал мен арнайы сыйлық тарту етіпті. Той екі халықтың үздік салт-дәстүрлерін қатар қолдану арқылы өткізілген. Қазір Жанна күйеуімен бірге Біріккен Араб Әмірліктерінде бақытты тұрып жатыр.