96 жастағы Ұлы Отан соғысының ардагері өзіне жар іздейді
Красноярск өлкесінде Ұлы Отан соғысының ардагері Алексей Хрулев әйелі мен құрбысы қайтыс болғаннан кейін жалғыз қалмау үшін үшінші рет серік тапқысы келетінін айтты, деп хабарлайды Stan.kz ақпарат агенттігі Lenta.ru басылымына сілтеме жасап.
Ол соғыстан кейін бірінші әйелі Еленамен би кешінде танысқан. Олардың бес баласы болды, қазір тек үш қызы аман қалды. Елена 16 жыл бұрын қайтыс болды, содан кейін Хрулев көшедегі көршісі Валентинамен танысып, оны өзімен бірге тұруға шақырған. Әйел бірнеше жыл бұрын қайтыс болды, бірақ 96 жастағы ардагер үмітін үзбейді.
"Мен жалғыз өмір сүрмеймін. Маған әже әкеліңдер, бір өзіме жаман", — деп Хрулевтің сөзін келтірдеі оның 72 жастағы қызы Валентина.
Томск облысының тумасы Алексей Хрулев майданға 1944 жылы шақырылды. Сол жылдың қазан айында 2-ші Прибалтика майданына марштық ротаға түсіп, 23 желтоқсанда алғаш рет ұрысқа қатысып, 1945 жылы 27 қаңтарда танк шабуылынан жарақат алады. Екі рет "Ерлігі үшін" медалімен марапатталған.
Соғыстан кейін Сахалинде жұмыс істеді, содан кейін Красноярск өлкесіне көшті. Қазір Красноярск маңындағы Еловое ауылында тұрады.