Әлеуметтік төлемдер орталығының мәліметінше, 8 наурыз - Халықаралық әйелдер күніне орай 23 810 көп балалы анаға 2,5 айлық есептік көрсеткіш - 7292 теңге көлемінде ақшалай төлемдер түріндегі көмек беріледі.

Алматы қаласы

Алматы қаласы бойынша желтоқсан оқиғасына қатысқан көп балалы аналарға 16 желтоқсан қарсаңында және 9 мамырға арнап мерекелік жәрдемақы беріледі. Қала бюждетінен 8 наурызға арнайы жәрдемақы беру қарастырылмаған. Атаулы әлеуметтік көмек ай сайын уақытылы беріледі.

Өскемен қаласы

Өскеменде мерекеге байланысты көп балалы аналарға қаржылай көмек беріледі. Әлеуметтік көмекті төрттен астам бала тәрбиелеп отырған аналар ала алады.

Қаржылай көмек бұған дейін "Алтын алқа", "Күміс алқа" медальдары, "Ана Даңқы" орденімен марапатталған және "Батыр-ана" атағын алған әйелдерге тағайындалады. Төлем сомасы 5 АЕК -14 585 теңгені құрайды.

Өскемендік көп балалы аналарға мемлекеттік жәрдемақы 8 наурыздан кейін берілмек.

Түркістан облысы

8 Наурыз "Халықаралық әйелдер күніне" орай "Алтын алқамен", "Күміс алқамен" марапатталған немесе бұрын "Ардақты ана" атағын алған, сондай-ақ I және II дәрежелі "Ана даңқы" ордендерімен марапатталған көп балалы аналарға, облыс бойынша барлығы 46525 адамға аудандық, қалалық бюджеттер есебінен 277894,0 мың теңгенің біржолғы материалдық көмегі көрсетілетін болады.

Одан бөлек, аудандар мен қалаларда салтанатты іс-шаралар өткізу
жоспарланып отыр. Онда 26728,4 мың теңгенің қаржылай көмек көрсетіледі.

Атап айтқанда:

- қаржылай түрде демеушілер есебінен 20888,0 мың теңге, жергілікті
бюджеттерден 560 мың теңгенің қолдауы көрсетіледі;

- заттай түрде демеушілер тарапынан 4455,4 мың теңгенің сый-сияпаттары табысталады.

- демеушілердің қолдауымен 825,0 мың теңгенің дастархан мәзірі дайындалады.

Атырау облысы

Атырау облысы бойынша көп балалы отбасыларды қолдау өз деңгейінде жүргізілуде. Бүгінгі таңда көп балалы отбасыларға республикалық бюджеттен мемлекеттік жәрдемақы, демеушілер тарапынан азық-түлік топтамалары беріліп келеді.

Көп балалы, аз қамтылған аналарға 8 наурызға байланысты жергілікті атқарушы органдары демеушілер арқылы әлеуметтік көмектер беру қарастырылып жатыр, дейді әкімдік өкілдері.

8 наурызға арналған ерекше құттықтаулар

Оралда үйі өртенген көп балалы отбасы бір айдан бері қаңғырып жүр

Ақтөбе облысы

Ақтөбе қаласы мен аудандық жұмыспен қамту және әлеуметтік бағдарламалар бөлімінің берген мәліметтеріне сәйкес, облыс бойынша 8 наурыз мейрамына орай барлығы 1226 көп балалы анаға 6812,5 мың теңге көлемінде көмек көрсетіледі деп жоспарлануда.

Соның ішінде 635 анаға 4413,5 мың теңгеге азық-түлік жиынтығы түрінде, 441 анаға 1649 мың теңгеге заттай сый-сияпат, 50 анаға 250 мың теңге, яғни, әр отбасыға 5 мың теңгеден ақшалай көмек көрсетілмек.

Қарағанды облысы

Қарағанды облысы бойынша 8 наурыз мейрамына көп балалы аналарға бір реттік көмек және заттай көмек түрі қарастылған, жалпы 7014 көп балалы отбасыларға 46,3 млн теңге көлемінде көмек көрсету жоспарланыпты.

Маңғыстау облысы

"Алтын алқа", "Күміс алқамен" марапатталған көп балалы аналар немесе бұрын "Батыр ана" атағын алған бірінші және екінші дәрежедегі "Ана даңқы" орденімен марапатталғандарға халықаралық әйелдер күніне орай жергілікті бюджет есебінен бір жолғы әлеуметтік көмек көрсету қарастырылған. Ақтау қаласы мен Мұнайлы ауданында 4810 теңгеден, облыстың басқа аудандарында екі айлық есептік көрсеткіш - 5834 теңге.

Жамбыл облысы

Жамбыл облысында жеке санаттағы азаматтарға жергілікті бюджеттен көрсетілетін әлеуметтік төлемдер бағдарламасы аясында 8 наурызға көп балалы аналарға әлеуметтік көмек ретінде жергілікті бюджеттен қаржы қарастырылмаған.

Ал Тараз қаласы бойынша барлық аудандарға 8 наурыз мерекесіне көпбалалы аналарға демеушілер тарапынан материалдық көмек қарастырылған.

Қызылорда облысы

Қызылорда облысы және Қызылорда қаласы әкімдігінің жоспарында мерекеге орай көп балалы аналарға көмек көрсету жоқ.

Талқылау