"5 жылға дейін соттау": Қазақстанда сталкинг үшін қылмыстық жауапкершілікті қатаңдату ұсынылды
Ішкі істер вице-министрі Санжар Әділов Қазақстан сталкинг үшін қылмыстық жауапкершілікті қатаңдату бастамасын көтерді. Бұл туралы Stan.kz ақпарат агенттігі хабарлайды.
Әділовтың айтуынша, қазіргі жаза әрекетті уақытша ғана тоқтатады.
"Қазір аңдығаны үшін екі жылға дейін бас бостандығынан айыру жазасы қарастырылған. Көбіне 30–40 тәулікке қамау түріндегі жаза қолданылады. Алайда тәжірибеде бұл жеткіліксіз болып, сотталғандар үкімнен кейін де жәбірленушілерді аңдуын жалғастыратын жағдайлар кездеседі. Алматы облысында сталкинг жасаған тұлғалар сотталғаннан кейін де өз әрекеттерін жалғастырған жағдай бар", – деді Әділов.
Ішкі істер министрлігі "қайталану" деген қосымша ауырлататын белгіні енгізіп, сталкингті орташа ауыр қылмыстар санатына ауыстыруды және жазаны 5 жылға дейін күшейтуді ұсынып отыр.
"Бұл мәселе жұмыс тобының алаңында талқыланады", – деп нақтылады вице-министр.
"Роллтонның" орнына бешбармақ: Атырау тұрғыны ұлттық тағамды 5 минутта дайындау жолын тапты
Кәсіпкер үшін бешбармақ – тек тез дайындалатын тағам емес
1 миллион теңге айлық, пәтер мен қызметтік көлік: Мемлекет Құрылтай депутаттарына қандай жағдай жасайды
Құрылтай мен бұрынғы Парламент арасында қандай айырмашылық бар