32 жыл күткен тарихи жүлде: Михаил Шайдоров – Олимпиада ойындарының чемпионы
Фото: ҰОК
Қазақстан қоржынына Италия төрінде өтіп жатқан Олимпиада ойындарында тарихи жүлде түсті. Бұл туралы Stan.kz ақпарат агенттігі хабарлайды.
Қазақстандық мәнерлеп сырғанаушы Михаил Шайдоров Олимпиада ойындарында топ жарды. Отандасымыз қос бағдарлама қорытындысы бойынша 291.58 ұпай еншіледі. Бұл – оның жеке рекорды.
Осылайша 32 жылдан кейін алғаш рет Қазақстан қоржынына тарихи жүлде түсіп отыр.
Ол жарыс жолында басты қарсыластары АҚШ елінің өкілі Илья Малиниді, жапониялық Юма Кагияманы шаң қаптырды.
Михаил Шайдоров еркін бағдарламада Димаш Құдайбергеннің орындауындағы әнмен өз өнерін күллі әлемге паш етті.
Айта кетейік, Михаил Шайдоров – әлем чемпионатының күміс жүлдегері. Ол 2025 жылғы Азия ойындарында қола медаль жеңіп алды. Сонымен қатар Төрт құрлық чемпионатында алтын жүлде иеленіп, араға 10 жыл салып Денис Теннің тарихи жетістігін қайталады.
Павлодарды "біздікі" деген ресейлік стример Fassoollka жауапқа тартыла ма? Заңгер түсіндірді
Ресейлік стример Fassoollka-ға мемлекет неге үнсіз және оны қандай жаза күтіп тұр?
Қазақстандық сызылған пауэрбанкіне байланысты ұшаққа отыру кезінде қиындыққа тап болды
Әуежай өкілі: "Құрылғының бұған дейін әуе көлігімен бірнеше рет тасымалдануы қауіпсіз екеніне кепілдік бермейді"