2025 жылы қаңтарда қазақстандықтар қанша күн демалады
2025 жылғы қаңтар айында қазақстандықтар 11 күн демалады. Жаңа жылдық түннен кейінгі аптада көптеген демалыс күні болады. Бұл туралы Stan.kz ақпарат агенттігі хабарлайды.
Фото: pixabay.com
Мәліметтерге сенсек, қазақстандықтар 1 қаңтардан 4 қаңтарға дейін (қоса алғанда) демалады. Ал 5 қаңтар жексенбіге келсе де, жұмыс күні болады.
Әуел баста, 3 қаңтар жұмыс күні ретінде жоспарланған еді. Дегенмен кейіннен еңбек министрлігінің бұйрығымен ол жексенбіге, яғни 5 қаңтарға ауыстырылды. Енді жұмыс күндері 5 және 6 қаңтар. Ал 7 қаңтар сейсенбіге түсіп, православ Рождествосы күнінде қазақстандықтар тағы демалады.
"Осылайша, қаңтардың басында қазақстандықтар бес күндік жұмыс аптасында бес демалыс күніне ие болады: 1-4 қаңтар және 7 қаңтар. Ал алты күндік жұмыс аптасында – төрт демалыс күні: 1-3 қаңтар және 7 қаңтар", – делінген еңбек министрлігінің мәлімдемесінде.
Жалпы қаңтар айында барлық мереке күндерін қоса есептегенде, бес күндік жұмыс аптасында 11 демалыс күні, ал алты күндік жұмыс аптасында 7 демалыс күні болады.
Еске салайық, бұған дейін 2025 жылы қазақстандықтарды Жаңа жыл мен Наурыз мерекелерінде ұзақ демалыс күтіп тұрғаны туралы жазған едік. Қаңтардың бірінші аптасында бес күннің тек біреуі ғана жұмыс күні болса, ал наурызда қатарынан бес күн демалыс беріледі.