"17 жастағы жасөспірімнің өлімі қайталанады": Маңғыстау облысындағы ауыл тұрғындары кең тараған әлімжеттікті жоюды сұрайды

Маңғыстау облысы Ақжігіт ауылының тұрғындары Бейнеу аудандық ішкі істер бөлімінің бастығы Еркебұлан Ізкеновке ашық хат жазды. Олар оқушыларды ұрып-соғып, қорқыту белең алғанын айтып дабыл қақты. Бұл туралы Stan.kz ақпарат агенттігі Lada.kz сайтына сілтеме жасап хабарлайды.

Фото: Lada.kz/ foto-planeta.com

Ақжігіт ауылының тұрғындары елдімекенде әлімжеттік жойылмаса, 17 жастағы жеткіншектің өлімі қайталануы мүмкін деп қауіптенеді.

Тұрғындардың сөзінше, бір топ адам мектеп оқушыларын қорқытып, ақша бопсалайды. Студенттер де қорқып, жеке тапсырмаларды орындауға мәжбүр дейді. Оған келіспегендерді ұрып-соғып, қорқытады. Бұл фактілерді жасыру қайғылы жағдайға әкелді дейді.

• "Оқуға түсуге дайындалып жүрген еді": Маңғыстау облысында түсініксіз жағдайда қаза тапқан 11-сынып оқушысының отбасы әділдікті талап етті

• Орал тұрғынын ең жақын досын өлтірді деп айыптады: Марқұмның анасы ер адамның кінәсіз екеніне сенеді 

• "Кінәлілер арасында полицей де бар": Қызылорда облысында Наурыз тойлауға кетіп, қаза тапқан ер адамның әйелі әділдік іздеп жүр

Үндеуге 24 отбасы қол қойған. Олардың барлығы ауылдағы кез келген оқушының басынан осындай жағдай болуы мүмкін деп алаңдайды.

Еске салсақ, 8 сәуірде Маңғыстау облысында 17 жастағы жасөспірім көз жұмғаны жазылды.