Жамбыл облысында атыс: Бір адам қаза тауып, жетеуі жараланды
Жамбыл облысының полициясы атыс салдарынан көз жұмған Қаракемер тұрғынының өліміне байланысты тергеу жұмыстарын жүргізіп жатыр, деп хабарлайды «ҚазАқпарат» Жамбыл облысы ІІД баспасөз қызметіне сілтеме жасап.
Құқық қорғау ведомоствосының түсіндіруінше, 6 қараша күні кешқұрым бағдарлық автобустың ішінде екі жолаушы керісіп қалған. Мұның соңы топ болып атысуға соқтырды.
«Тергеу барысында, шамамен 18.30-да Жамбыл ауданындағы Аса елді мекенінен Құмтиынға бағыт алған көлік ішінде екі жолаушының арасында жанжал туындаған. Салдарынан түн ортасына таман Аса мен Құмтиын тұрғындары бытыралы тегіс ұңғылы мылтықпен атысқан». Кеудесіне тиген оқтан жараланған 30 жастағы Жамбыл ауданы Қаракемер ауылының тұрғыны ажал құшты.
Орталық аудандық ауруханаға атыс салдарынан түрлі жарақат алған 7 адам жүгінді. Қылмыстық іс аясында сот-медициналық сараптама тағайындалды. Сот алды тергеу жүргізілуде»,- деп нақтылады Жамбыл облысы ІІД баспасөз қызметі.
Оқи отырыңыз:
Қазақстанда шетелдік валютада сақтауға болатын депозит мөлшерлемесі төмендетіледі
Ақышев: Қазақстандықтардың зейнетақысы желініп жатқан жоқ
Ұлттық банк төрағасы жыл соңына дейін теңге бағамы қандай болатынын айтты
Істі болған Қуандық Бишімбаевтың ата-анасы түрмеде ұлына қысым көрсетіп жатқанын айтты