Жамбыл облысында 25 жастағы азаматтың қазасына жақындары тәртіп сақшыларын кінәлуда

Дүйсенбі, 25 Шілде , 2016 21:55

Ерік Төрқұловты көліктеріне дін-аман салып әкеткен полицейлер кейін оның өлі денесін ауруханаға жеткізіпті. Туыстары Ерікті қызыл жағалылар көліктің ішінде жазым еткендеріне сенімді. Ал, облыстық ішкі істер департаментінің басшылығы қызметкерлеріне шаң жуытатын емес, – деп хабарлайды КТК арнасы.

птпт

Ерік Төрқұловтың көз жұмарынан бір күн бұрын ғана үйлену тойы болған. Ертесіне жақындарымен таудағы су қоймасына шомылуға барыпты. Рұқсат етілмеген жерде жүргендері үшін қарауылмен сөзге кеп қалса керек. Бірақ жанжалға жеткізбей оқиға орынан кетіп қалдық дейді марқұмның жақындары. Біраз уақыттан соң бес азамат отырған жерге үш тәртіп сақшысы жетіп, ай-шайға қарамай Ерікті көліктеріне күштеп салып әкетіпті.

“Машинаға  салды ұзыннан, біреуі басына екіншісі  аяғына отырып алды. Үстіне отырып алды. Рөлде отырған инспектор алдына отырып кетіп қалды”, – дейді Е.Төрқұловтың досы Әли Башаев.

Әли Еріктің де полицейлерге қарсылық көрсеткенін мойындап отыр. Ол тәртіпке бағынбағасын әбден сабап, білгендерін жасады дейді. 25 жастағы азамат сол машинаға отырғасын оны тірідей ешкім көремеген. Небәрі жарты сағаттан соң өлі денесі ауруханаға жеткізіліпті. 

“Дәрігерлер жазып отыр ғой. Адамды әкеліп машинадан түсірген кезде өліп қалған деп бәрі айтып отыр. Сап-сау кеткен бала. Ол полицейдің қолын тістеп алған мойыннан қылқындырған кезде”, – дейді Е.Төрқұловтың ағасы Ернұр Төреқұлов.

Көлік ішінде не болғанын ешкім білмейді. Алайда, марқұмның жақындары Ерікке күш көрсетілгеніне, оны тәртіп сақшылары абайсызда өлтіріп алғандарына сенімді. Өйткені дені сау зіңгіттей азамттың, өздігінен ажал құшуы мүмкін емес дейді. Сондықтан  Қуаныш Төрқұлов баласын жазым еткендерді ең қатаң жазаға тартуды талап етуде.

“Нағыз кінәлілер солар екеніне сөзім жетеді. Келінім қалды ішінде баласымен. Енді ол қалай болады, бәріміз еңіреп артында қалдық. Қуанышымыз көпке созылмады. Жазаға тартылуын сұраймын”, – дейді Е.Төрқұлвтың әкесі Қуаныш Төреқұлов.

Дәрігерлер Ерік Төрқұловтың клиникалық өлім жағдайында жеткізілгенін айтуда. Ақхалаттылар оны дереу жансақтау бөліміне жатқызып, ажалмен арпалысқан. Алайда, әрекеттерінен түк шықпапты. Ал, құзырлы орын басшылығы әдеттегідей қол астындағы қызметкерлерін кінәсіз дейді. Айтуларынша, Ерік су қоймасының 75 және 20 жастағы қарауылымен төбелес кезінде жарақат алуы мүмкін. Дегенмен тәртіп сақшыларына қатысты да тексеру басталған.

“ІІД Өзіндік қауіпсіздік басқармасымен өлім себептері және полиция қызметкерлерінің заңдылығын анықтау үшін сотқа дейінгі тергеу амалдары жүргізілуде. Кісі өліміне қатысты сот-медицианлық сараптамалар тағайындалды”, – дейді Жамбыл облыстық ІІД басқармасы мемлекеттік тіл және ақпарат бөлімінің бас маманы Құндыз Бөгенбаева.

Полицейлердің мәліметінше Ерік Төрқұлов тәртіп сақшыларына едәуір қарсылық көрсетіп, тіпті дене жарақатын келтірген. Сол үшін марқұмның үстінен бұзақылық және билік өкіліне бағынбау дерегі бойынша іс қозғалған. Ал, бұл қайғылы жағдайдың ақ-қарасы сот-медициналық сараптамасы қорытындысынан соң анықталуы тиіс.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

8
Комментариев
  • Анонимно says:

    Бириншы анык каныгына жетпеи адамды киналауга болмаид жазатаиым жагдаима оны тек бир кудаи билед

  • Анонимно says:

    Тийисти жазаларын алсын онбагандар сап сау етип миндирип оли денесин алып келгени нес сол жигитдин каны жибермесин

  • Анонимно says:

    Ол жігіттің отбасына да он бес миллион өтемақы берілсін

  • Анонимно says:

    Полициянын еш жазыгы жок. Киналауга даиын турады екенсиндер

  • жумбак жан says:

    Ия кыйын жагдай оларга шан жуытпас .алла корип тургой жазасын берер али сол полицейлердин .

  • Анонимно says:

    Палицейлердын колында олген болса онда далел жок Торкуловтар аулетыне киын екен карга карганын козын шукымайдыгои

  • Анонимно says:

    Қайрат

    • Жұмбақ жан says:

      Казир адам олтиру онай болп кеттиме калай Алла жазасын берсин обал отбасына киын жагдай олтире салу керек пе еди сонда

Leave a Reply

Your email address will not be published.

Орташа айырбас бағамы
20.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар