Зейнетақы қоры Әзірбайжан банкіне салған 71 млрд ақшаны қайтара алмауы мүмкін

Дүйсенбі, 15 Мамыр , 2017 21:47

Халық ақшасын жөн-жосықсыз жұмсады деп айыпталған Зейнетақы қоры тағы дауға қалды. Бұл жолы қор Әзірбайжан банкіне 71 миллиард инвестиция құйып, қыруар қаржыны қайтара алмады деген  күдікке ілінді, деп хабарлайды КТК арнасы.

d3519b69d336ac76947c10b54c19b708

Әзірбайжан банкі сырттан тартылған инвестициялар бойынша өтемақы төлеуді мүлдем тоқтатқан. Тіпті банкротқа ұшырауы да ықтимал. Мол ақшаның бей-берекет жұмсалғаны туралы алғашқы дабылды экономистер қақты.

Зейнетақы қоры 71 миллиард 300 миллион теңге халық ақшасын Әзірбайжан халықаралық банкіне инвестиция ретінде құйған екен. Алайда мұнай экспортына тәуелді елдің ұлттық валютасы манат құлдырап, банк шетелдік қарыздарын қайтаруға қауқарсыз боп қалған. Бұл былықты қордың есеп-қисабын ақтарып отырып экономист, бұрынғы вице-министр Ошақбаев анықтапты.

“Бірыңғай жинақтаушы зейнетақы қорының жалпы сараптамасы, қор қолындағы 7 трлн теңгенің 20 пайызын, экономика тілінде қорда құнды қағаздар деп аталатын облигацияларға салып тастағанын көрсетіп отыр. Басқарушы қор халық ақшасын арттыруды айтпағанда, оның бүтіндігін де қамтамасыз етуге шамасы келмей отыр”, – дейді экономист Рахым Ошақбаев.

Енді осы облигация ретінде салынған Әзірбайжан банкі банкротқа ұшыраса, 71 миллиард теңге Қазақстанға қайтпай қалуы әбден мүмкін. Сондықтан бұл деректі депутаттар да дереу тексеруді талап етті.

“Бұл тағы да халқымыздың қалтасынан қағылған ақша деуге болады. Сондықтан жауапты адамдардан сұрау керек. Өкінішке орай сол жауаптылар  ұсталмай кетіп жатыр”, – мәжіліс депутаты Омархан Өксікбаев.

Депутаттар халық ақшасының бүтіндігіне Ұлттық банк те жауапты деген пікірде. Өз кезегінде орталық банк төрағасының кеңесшісі Айдархан Құсайынов, көпшілікке басу айтып, ақша қайтады деп сендіріп бағуда. Әзірге қор да, Ұлттық банк те үндеместің ойынын ойнап отыр. Әзірбайжан банкіндегі күйіп кеткелі тұрған миллиардттарға қатысты түсініктеме берген жоқ.

“Ең алдымен жауапкершілікті Ұлттық банктен сұрауымыз керек. Егер әрі қарай да қыруар ақша халықтың назарынан жасырын  пайдаланса, жемқорлыққ  жол ашып отырмыз деген сөз”, – дейді мәжіліс депутаты Азат Перуашев.

Перуашев сонымен қатар жекеменшік зейнетақы қорларын қайта ашып, бәсекені қайтару керек дейді. Ал экономист Рахым Ошақбаев қор халықтың әр тиынын парламентпен келісіп барып, инвестицияласын деген пікірде. Зейнетақы қоры мен Ұлттық банктің бұл даудан кейін қандай қадамға барары белгісіз. Сонымен бірге 71 млрд теңгенің тағдыры не болары да әзірге құпия.

Тағы да оқыңыз:

Павлодарда 17 жастағы студент қыз өзіне қол салды

Ақтөбеде 7 жасар қызды өгей шешесі өлімші етіп сабап тастады

Елімізде әуе билетті тағы қымбаттайды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
20.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар