Василий Жиров Астанадағы мешітке келіп айт намазын оқыды (фото)
Әйгілі қазақстандық боксшы Василий Жиров Астанадағы Әзірет Сұлтан мешітіне бас сұғып, кеше айт намазына қатысқан.
Бұл туралы әлеуметтік желілерде ақпараттар пайда болды. Көптеген желі қолданушылары парақшаларына чемпионмен түскен суреттерін жариялаған.
Спортшы Қазақстаннан шыққан тұңғыш вэл Баркер кубогының иегері. 1996 жылы олимпиада чемпионы атанған. Кейін кәсіпқой боксқа да ауысып, ел намысын асқақтатты. Шаршы алаңда “Балқаш барысы” деген атпен танымал.
“Кеше ерекше күн, ерекше айт болды! Бәрі әдеттегідей басталған. Бірақ, ең қызығы сол Василий Жиров менімен бір қатарда тұрып, өміріндегі алғашқы намазын оқыды. Әрі тура айт күнінде, Астананың орталық мешітінде. Оны жылы қарсы алған адамдардың барлығына рахмет! Ал намаздан кейін жиырма шақты адам айт мерекесін атап өту үшін үйге жиналдық. Құран оқылып, жақсы сөздер айтылды. Алла біздің жүрегімізді ашып, иман сыйлап, оған деген сенімімізді, махаббатымызды күшейтсін! Барлық қателіктеріміз бен күнәларымызды кешсін”, – деп жазады Рустам Абдусаламов есімді қолданушы Инстаграм парақшасында.
Оқи отырыңыз:
Қанат Ислам тек әлсіз қарсыластармен жұдырықтасады деп өзін сынағандарға жауап берді
Әділбек Ниязымбетов: Ақша бізге оңай жолмен келсе, неге елдің бәрі Олимпиада чемпионы болып кетпейді
Қазақстанның үздік бапкерлері мен ойыншылары анықталды
Қазақстандық әртістер құрамасы футболдан әлем чемпионы атанды (фото, видео)