Тығыз уақытқа қарамастан қалыпты ұйқыға қол жеткізуге арналған 9 кеңес (фото)
Бірқатар табысқа жеткен бизнесмендер көп жұмыс істеп, аз ұйықтайды. Сөйтеді де жақсылап ұйқыны қандыруға уақыт табыла бермейді.
Бұл туралы Business Insider хабарлайды.
Егер сіз беліңіз жазылмай жұмыс істеп, ал түнде дөңбекшіп ұйықтай алмай, бірақ, таңертең кереуетіңізден тұра алмай қиналсаңыз, онда біз сіздерге жақсы кеңестер бере аламыз. Бұл кеңестерді іске асырсаңыз, аз уақытта да сапалы ұйқыға кез болуға болады.
Өзіңіздің биологиялық сағатыңызды тыңдаңыз. Режим орнатып, соны бұлжытпай орындау қажет. Сонда ғана әр таң сайын жақсы көңіл-күймен ояна аласыз.
Ұйқының алдында тыныштық керек. Соңына дейін жұмыс істеудің қажеті шамалы. Сіздің денеңіз өз-өзін қалпына келтіріп, рахатты сезініп үлгеруі қажет. Әр кеш сайын кітап оқып немесе теледидар көруді әдетке айналдырыңыз.
Жатын бөлмеде гаджеттердің болмағаны жөн. Жатын бөлме тек ұйықтау үшін. Ал телефон мен планшет сіздің ойыңызды бөлетіні анық.
Жатын бөлме қоңыр салқын болып тұрса тіпті керемет. Орташа температура шамамен Цельсий шкаласы бойынша 15-18 градус болса өте жайлы.
Өзіңіздің мәселеңізді, тапсырмаларды жазып, арнайы күнделік арнаңыз. Біздің бірден ұйықтап кете алмауымыздың себебі – ертеңгі күнгі істейтін шаруаларды ойға алып мазасызданамыз. Олай алаңдағанша, барлық шаруаны қағазға жазып, жаныңызға қоя салған абзал.
Табиғаттың үніне құлақ түру керек. Тіпті ұйқыда жатқан кезде де сіздің миыңыз дыбыстарды ести алады.
Кофе туралы таңертеңге дейін ұмытыңыз. Оның әсері сіздің организмде 14 сағатқа дейін сақталады.
Тағы да ескертеміз, жатын бөлмесі – жұмыс істеу немесе тамақ ішу үшін емес, жатып демалу үшін. Сіздің миыңыз ол бөлмені демалыс орыны ретінде қабылдауы тиіс.
Сіздің ұйқыңыз үшін қанша сағат керек екенін біліңіз. Көптеген адамдар ұйықтауға 4-5 сағат жеткілікті дейді. Алайда бұл аса жеткілікті уақыт емес. Әркімге әрқалай әсер етеді. Оятқышты бір сәтке өшіріп, өзіңіздің қай уақытта оянатыныңызды байқап көру артық етпейді.