Тұрғын үй құрылыс жинақ банкі өтемақы төлеуге қосымша келісімге қол қою мерзімін бір айға ұзартты

2016 жылдың 31 мамырының операциялық күні аяқталғандағы жағдай бойынша, өтемақы төленуі тиіс 452 069 салымның 160 765 салымы бойынша қосымша келісімге қол қойылмаған.

Фото-ЖССБК

Осыған орай, директорлар кеңесінің шешімімен, тұрғын үй құрылыс жинақ банкі ағымдағы жылдың 1 шілдесіне дейін қосымша келісімге қол қою мерзімінің ұзартылғанын жариялайды (Қосымша келісімге қол қоюдың соңғы күні – 30-шы маусым 2016 жыл).

«Көбінде сомасы 1 млн. теңгеден аспайтын депозиттер бойынша келісімдерге қол қойылмаған. Банкте мұндай 150 248 салым бар. Жинақ сомасы 1 млн. теңгеден асатын 10 518 депозиттің иесі Банкке хабарласпаған», – деп хабарлайды Тұрғын үй құрылыс жинақ банкінің баспасөз-қызметі.

Қосымша келісімге уақытылы қол қойған салымшыларға (2016 жылдың 1-ші маусымына дейін) өтемақының алғашқы траншы үстіміздегі жылдың маусым айында төленетін болады. Ал қосымша келісімге маусымның 1-і мен 30-ы аралығында қол қойған салымшылар, өтемақының алғашқы траншын 1-ші тамызға дейін ала алады.

Тұрғын үй құрылыс жинақ банкінің хабарлауынша, өтемақы бюджет қаражаты мен банктің табысы есебінен екі транш арқылы төленеді.

Өтемақы көлемі 35,5% болады. 2016 жылы – 19,2%, 2017 жылы 16,3% өтемақы төленеді.

Қосымша келісімге қол қою үшін салымшылар Тұрғын үй құрылыс жинақ банкінің кез-келген жақын маңдағы бөлімшесіне хабарласа алады. Сондай-ақ электронды-сандық қолтаңбаны пайдала отырып,  www.egov.kz порталында немесе   банктің www.hcsbk.kz ресми сайтында, онлайн режимде қосымша келісімге қол қоюға болады.

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
25.04.18
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар