Теңгенің әлсіреуі автокөлік құнына қалай әсер етеді

Валюта бағамының құбылуы қысқа мерзімде отандық автокөлікке деген сұранысқа әсер еткен жоқ. Бірақ алдағы уақытта белгілі бір жағдайларға байланысты көлік қымбаттауы мүмкін. Бұл туралы “ҚазАвтоӨнеркәсіп” автокөлік саласы кәсіпорындары одағының басшысы Олег Алферов мәлім етті, деп хабарлайды Sputnik Қазақстан.

 Теңгенің әлсіреуі автокөлік құнына қалай әсер етеді
Sputnik / Антон Подгайко

“Валюта бағамы күрт өзгергенде тұтынушылар бұрынғы бағамен сатып алуға тырысады. Өз кезегінде нарық қатысушылары шығынға батқысы келмей, импортталатын өнімнің бағасын өсіреді. 10 сәуірдегі АҚШ-тың Ресейге қатысты енгізген санкцияларына байланысты туындаған жағдай әзірге сатып алушылардың белсенділігіне әсер еткен жоқ. Керісінше, тұтынушылардың бір бөлігі көлікті бұрынғы бағасымен сатып алып жатыр. Бірақ бұл қысқамерзімді сипаттағы жағдай”, — деді Алферов.

Жалпы алғанда, оның айтуынша, санкция мен оның бағаға ықпалы жөніндегі мәселенің жағдайға байланысты қабылданатын және стратегиялық жоспары бар. Әрқайсысының өз уақыты және мәселені шешетін өз жолы болады.

“Теңге мен рубль сәуірдің соңына дейін бұрынғы мәніне келмесе, онда бұл жағдай Қазақстан мен Ресейде автокөлік бағасының біршама өсуіне ықпал етеді. Сұранысқа, тіпті биылғы жылға көзделген нарықты қалпына келтіру болжамына әсер етуі мүмкін”, — деп есептейді “ҚазАвтоӨнеркәсіп” басшысы.

Бұл жағдайда, оның пайымдауынша, сұраныстың төмендеуіне байланысты болған шығынды өтеу үшін автоөнеркәсіп саласына жоспарланбаған қолдау көрсету керек болады. Екіншіден, сыртқы нарықты игеруге көмектесетін жолдарды іздеу қажет.

“Стратегиялық болашақ туралы айтар болсақ, отандық автонарық бірегей санатқа жатпайды, ол импорт пен валюталық бағамның құбылуына барынша тәуелді. Мұнымен қалай күресу керек? Екі тәсілі бар. Бірінші, оқшаулауды күшейту қажет. Бүгінде ол орташа алғанда 36%-ды құрайды. Бұл көрсеткішті жоғарылатуға мүмкіндік бар. Екіншіден, сыртқы нарықтарды игеру керек. Бұл отандық автонарықтың валюталық құбылудан тәуелсіздігін арттырып қана қоймай, отандық экономиканың төлем балансын күшейтуге жақсы әсер етеді”, — дейді Алферов.

Оқи отырыңыз: 

Елімізде шағын несие беру талаптарына өзгертулер енгізіледі

Алматы облысының тұрғындары Көлсайдағы тау көшкінін видеоға түсіріп алды

Қазақстандағы сауда орталықтарының басшылары жауапқа тартылды

ШҚО-да қисық-қыңыр салынған жол белгісі желі қолданушыларын күлдірді (видео)

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
19.08.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар