Таиланд түрмесінде отырған қазақстандық әйел ондағы азапты күндері туралы айтып берді

Оның айтуынша, Таиландта шетелдіктер түрмеге болмашы ісі үшін түсе береді. Ол өзінің де қалай қамалып қалғанына таң.

Алматылық Алинаны Таиланд дүкенінде дау шығарып, аздап төбелесіп қалғаны үшін полиция алып кеткен. Тіпті іс сотқа дейін барған.

«КАРАВАН» газетінің тілшісіне сұхбат берген Алинаның айтуынша, оған қатысты сот ұсталған күннің ертеңіне болыпты.

«Бәрі жымиып тұрады екен. Аудармашы сөздерімді аударып берді. Полицейлер жазып алып отырды. Бірақ тағдырым алдын ала шешіліп қойған сияқты. Мен кінәлі екенімді мойындауға мәжбүр болдым. Өйткені тай елінің заңы бойынша, мойындасаң, жазаң жеңілдейді. Қайта төбелес сағат 16:00-ге дейін болып, жолым боп кетті. Бұл уақыттан кейін болған жайттар әлдеқайда ауыр қылмыс деп есептеліп, жаза мерзімі де көп ұзарады» дейді біздің кейіпкеріміз.

Сондай-ақ, Алина жатқан камерасындағы жағдайдың да сұмдық екенін айтып отыр.

«Заттарымды алып қойып, дымқыл исі бар жейде мен белдемше берді. Камерасы ешқандай жиһазы жоқ кеңдеу бөлме екен. Бірақ онда 60 адам түнейді. Бәрі банкіге жабылған шпрот сияқты бір-бірінің үстіне мінгесіп жатады. Солай сығылысып отырады. Қайта жылы климат жақсы болды. Дәретхананы кафельмен бөліп қойған. Есігі жоқ. Топтасып душқа түсеміз. Қадағалаушы 10-ға дейін санап болғанша шомылып бітуің керек. Сосын екінші легі келеді. Үлгермесең, өз обалың өзіңе. Жарықты жағып қойып ұйықтаймыз. Сағат төртте тұрғызады» дейді Алина.

Оның айтуынша, Таиландта ойламаған жерден болмашы жағдаймен түрмеге түсіп қалуың ғажап емес.

«Мысалы, Будданың бас мүсіншесі кәдесый ретінде барлық жерде сатылады. Оны басқа елге алып кетуге тыйым салынған екен. Сондықтан әуежайда бәлеге тап болуыңыз мүмкін. Түрмеде күйеуімен бірге келісім-шарт бойынша жұмыс істеуге барған аяғы ауыр ағылшын әйел отырған еді. Олар жалға алған пәтер орналасқан подъезде есірткі сатылыпты. Ал арнайы операция кезінде ерлі-зайыптыларды есірткі сатушылармен бірге алып кеткен. Таиланд сотына бір нәрсені дәлелдеу мүмкін емес. Таилықпен арада туындаған кез-келген жанжалда өзің кінәлі болып шығасың. Егер сені сол елдің азаматы сан соқтырып кетіп, сосын ақшаңның қайтарылуын талап етсең, өзіңді бопсалаушы деп айыптайды» дейді аталған елдің түрмесінде үш ай отырған қазақстандық әйел.

Тағы да оқыңыз:

7-8 жасынан құсбегілікпен айналысқан ағайынды балалар құс баптаудың сырын айтты

Шымкентте ауруы асқынған бала бағып отырған отбасының көлігін айдап әкетті

Еліміздің бірнеше облысына дабылды ескерту жарияланды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
14.12.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар