Талғат Ермегияевтің жазасын қайда өтеп жатқаны белгілі болды
14 жылға сотталған «ЭКСПО-ның» экс-төрағасы Астана түбіндегі қатаң тәртіптегі түрмеде екен, деп хабарлайды КТК арнасы.
Онда 25 пен 60 жас аралығындағы ауыр қылмыс жасағандар, яғни адам өлтірген, қыз зорлап, ұрлық істегендер жазасын өтеуде. Енді олардың қатарына Талғат Ермегияев те қосылды. Экс-төраға абақтыдағы казармаға ұқсас салынған бөлмелерде тұрып жатыр. Ол екі сағаттан бастап үш тәулікке дейін туыстары, балалары және әйелімен кездесе алады. Сондай-ақ, демалыс күндері спортпен айналысып, теледидар көруіне рұқсат етілген. Естеріңізге салсақ, Талғат Ермегияев 2017 жылы Астанада өтетін халықаралық көрмеге бөлінген бюджеттің миллиардтарын жымқырғаны үшін сотталған еді. Ермегияев үкіммен келіспей, қайта шағымданған. Бірақ апелляциялық сот оның жазасын өзгеріссіз қалдырды.
Жіберіп алмаңыз:
Желі қолданушылары Исекешев пен Собяниннің ұқсастығына қайран қалды
ШҚО-да шенеунік қоластындағы қызметкерлерін «малдар» деп атаған
Атырау облысында 5 мың долларға жаңа туған сәбиді сатқан перзентхана қызметкері сотталды