Талдықорғанда пранкерлер бала ұрламақ болып сынақ жүргізді (видео)
Талдықорғанда қазақстандық пранкерлер бала ұрлап кетпек болып, арнайы бейне сынақ жүргізді.
Әлеуметтік желіде жарияланған бейнероликті түсіру барысында авторлар, ата-аналардың бала алдындағы жауапкершілігін арттыруды және қоғам назарын осы бір келеңсіз құбылысқа аударуды негізге алған.
“Бұл видеоны міндетті түрде бөлісіңіздер. Балалары бар адамдардың барлығына көрсетіңіздер! Ата-аналар үшін бұл бағалы әрі пайдалы ақпарат”, – дейді авторлар.
Видеоны түсіру барысында оған ата-аналар да атсалысқан. Сценарий бойынша, белгісіз адам төменгі сынып оқушысының қасына барып, оның ата-анасы жұмыстарымен кетіп қалғандықтан, оны үйіне өзі апарып салатынын айтады. Сынақ нысанасына 6 мектеп оқушысы ілінді. Олардың бесеуі көлікке еш қиындықсыз отырып кете барған. Тек бір бала ғана бейтаныс адаммен сөйлесуден бас тартқан.
Бейнероликті қазірдің өзінде 80-гу жуық адам бөліскен.