Сотталушы Мүсілім Оңдағанов түрмеден үндеу жазып әріптестерінен пара алмауды өтінді
Оралда 12 жылға сотталған облыстық спорт басқармасының бұрынғы басшысы тәубесіне келді. Мүсілім Оңдағанов шенеуніктерден өзінің қателігін қайталамауды сұрап отыр, деп хабарлайды КТК арнасының сайты.
Қазынаның 170 миллион теңгесін жымқырған басшының сөзін аймақтағы жемқорлыққа қарсы күрес бюросындағылар абақтыда түсіріп алған. Олар басқа парақорларды да тәубесіне келтіру үшін бұл жазбаны өзге мемлекеттік қызметкерлерге көрсету керек деп шешіпті. Мүсілім Оңдағанов Батыс Қазақстан облыстық спорт басқармасын басқарып тұрғанда ұйымдасқан қылмыстық топ құрып, бюджеттің миллиондарын мақсатсыз жұмсаған еді. Қазір ол қылығына қысылып отырған сияқты.
“Мемлекетке жұмыс жасайтын жастарға айтарым мемлекеттің заңын бұзбай жұмыс жасауларыңа тілектеспін. Әрқашан да тума-туысқандарыңды ойлаңдар. Ата-аналарыңды ойлаңыздар”, – дейді Мүсілім Оңдағанов.
Жіберіп алмаңыз:
Ұл туып бермегені үшін әйелін тастап кеткен зейнеткерге екінші әйелі де қыз туып берген
Петропавлда ер адам сатушы қыздың басынан бір ұрып киім дүкенін тонап кеткен
Желіде тілі шықпаған баланы қой ішегімен қылқындырғандардың видеосы тарады: Логопед-дефектолог ырымның үлкен қаупін айтты
