Синоптиктер алдағы 3 күнде Қазақстанда күн күрт суытады деп болжайды
Қазақстанның көптеген облыстарында 11-13 қазан күндері ауа температурасы 0 градусқа дейін төмендейді. Бұл климаттық көрсеткіштен 3-6ºС-қа төмен болып отыр, деп хабарлады «Қазгидромет» ОБМ.
«Қазақстан аумағынан өтетін атмосфералық бағыттар алдағы үш күнге республикадағы ауа-райына әсерін тигізеді. Көптеген облыстарда жаңбыр, тіпті, қар жауып, кей жерлерде көктайғақ және тұман болады деп күтілуде. Күндізгі ауа температурасының өзі 0 градусқа дейін төмендеуі мүмкін. Ол қалыпты климаттық көрсткіштен 3-6ºС-қа төмен болып отыр», – делінген дүйсенбі күнгі хабарламада.
Синоптиктердің мәліметінше, Қазақстанның оңтүстігі мен оңтүстік-шығысында 12 қазаннан бастап жаңбыр жауады. Ал 13 қазан күні жауын тіптен үдей түседі. Ауа температурасы да қалыптағыдан 3-5ºС-қа төмен болмақ.
«Тек еліміздің батыс өңірінде алдағы тәуліктерде жауын-шашын мөлшері аз болады. Одан кейін антициклонның әсерінен жауын-шашын болмайды, бірақ күн суытады. Жексенбі күні 20-25ºС болғанына қарамастан, алдағы күндері күндізгі ауа температурасының өзі 5-13ºС-тан аспайды», – делінген хабарламада.
Жіберіп алмаңыз:
Қарағандыда әкімдіктің алдына жылқы баққан адамға айыппұл салды
Қарапайым асханадан тамақтанған Семей әкімін желі қолданушылары сынға алды
Күйеуінен оңбай таяқ жеп, адам сенгісіз қорлық көрген әйел халықтан көмек сұрады
"Жиырмадан асқан жігіттер қырындайды": Қызының қатарласындай жас көрінетін 40 жастағы қазақстандық әйел желі жұлдызына айналды
