Шымкентте Швециядан келген еркекті асқан хайуандықпен өлтірген
Тоғыс аймағында Швециядан келген азаматтың өліміне күдікті деген адамдар ұсталды.
Бұл туралы “Жоғары сападағы телеарна” хабарлайды.
3 қаңтар күні поликлиника маңындағы шұңқырдан өлі еркектің денесі табылған. Ол 44 жастағы Шымкент тұрғыны болып шықты. Бірнеше жыл Швецияда тұрып, осында көшіп келген екен. Артынша еркекті ішімдікке мас болып отырған кезде өлтіргені белгілі болды. Полиция марқұмның денесінен бірнеше пышақ жарақатының табылғанын айтты.
“ОПШ нәтижесінде үш тәуліктің ішінде 1969 жылы туған Шымкент қаласының тұрғыны ұсталды. Бұрын сотталмаған, қазір жұмыссыз. Күдікті еркекті ашу үстінде өлтіріп қойғанын айтқан. Күдіктіге қатысты қылмыстық іс басталды. Сотқа дейінгі тергеу жұмыстары жүргізіліп жатыр. Ол өзінің кінәсін толық мойындады”, – деп хабарлайды ақпарат және мемтіл басқармасының жетекшісі Салтанат Қаракөзова.
Марқұмның денесін дәріхана сатушысы тапқан. Ол бірден полицияға хабарласқан.
Жіберіп алмаңыз:
Шахан тұрғыны әйелі мен сәбиін жер қойнына тапсырды
Дәрігерлер балалардың смартфон, планшет алдында қанша уақыт отыру керегін айтты
Алматы облысы тұрғындары мұғалімнің жеткіншектерден таяқ жедім деп жала жапқанын айтады
Атырауда зейнеткерді тонаған ұры кейіннен оны балталап өлтіріп кеткен