Шымкентте аю зообақ қызметкерінің саусағын қыршып алды

Шымкенттегі зообақта аю тазалықшы болып қызмет істейтін ер адамның саусағын тістеп алған.

Бұл туралы TVK хабарлайды.

Төтенше жағдай 24 мамыр күні таңертең болған. 52 жастағы Серікбай Юнусовты ауруханаға “жедел жәрдеммен” жеткізген.

“Мен торларды тазалап жүргенмін. Ал келушілер үнемі жыртқыштарға тамақ беріп тұрады. Қас-қағым сәтте болды бәрі. Мен түсінбей де қалдым”, – дейді Юнусов.

Зардап шегушімен бірге ауруханаға зообақтың техника қауіпсіздігі жөніндегі инженері де келген. Ол бұл оқиғаны кездейсоқ жағдай немесе абайсызда болған жәйт деп бағалайды. Ал ашулы аюдың жасы 5-6-ларда екен. Дәрігерлер болған жағдайды полицияға да хабарлаған. Бұл ретте ОҚО ІІД қандай шара қолданатыны белгісіз.