ШҚО-да көлік өзенге құлап, ерлі-зайыпты мен 10 жасар немересі ажал құшты
Өскемен- Риддер тас жолының 88-ші шақырымында болған апатта жанұя қаза тапты,- деп мәлім етті ШҚО ІІД. Риддерлік ерлі-зайыпты және олардың 10 жасар немересі мінген машина өзенге құлаған.
Сурет: novayagazeta-ug.ru
Үшеуі де көліктен шыға алмай, ажал құшты, деп хабарлайды YK-news.kz.
ШҚО ІІД баспасөз қызметінде 20 маусымда ерлі-зайыпты Риддерден Өскеменге өз шаруалары бойынша аттанғаны айтылды. Сол күні кешке өздерімен бірге 10 жасар немере інісін алып қайта жолға шыққан. Алайда көлік үйіне оралмады. Алаңдаған туыстары оларды іздей бастады.
– Түні бойы іздедік – трасса бойында жүрдік, – деді қаза тапқандардың туысы Алиса. – Таңертең ғана таптық. Немере ағам көлікті өзеннен тапты. Автомобильді алып шығу үшін арнайы кран керек болды. Көлік ішінен 57 жастағы ерлі-зайыптылар мен бала мәйіттері табылды. Барлығы қауіпсіздік белдігін таққан екен.
Болған оқиғаны полицейлер тергеп жатыр.
– Жүргізуші тиісті жылдамдықпен жүрмей, Өскемен- Риддер тас жолының 88-ші шақырымындағы бұрылыста көлік аударылып, Бутачиху өзеніне құлауы мүмкін, – деді ШҚО ІІД баспасөз қызметінің басшысы Бақытжан Торғаев.
Мәтін Иван Сухоруков пен Наталья Потапованың мақаласынан аударылды
Жіберіп алмаңыз:
Өскемендегі жігіттің селфи жасамақ болып суға кеткендегі сәті жарияланды (видео)
Өз үйлену тойында қалыңдық суға батып кетті
Петропавлда суға ағып кеткен қыздың денесін малшы тауып берді