Сағадиев: 15 мамырда ата-аналарды жұмыстан ерте жіберулеріңізді сұраймыз
Қазақстан Республикасының Білім және ғылым министрлігі барлық жұмыс берушілерге ағымдағы жылдың 15 мамырында оқушылардың ата-аналарын жұмыстан ерте жіберуді сұрады.
Бұл туралы Stan.kz ақпараттық агенттігі хабарлайды.
Бүгін ОКҚ-дағы баспасөз мәслихатында Білім министрлігінің басшысы Ерлан Сағадиев биылғы жылы жалпыұлттық ата-аналар жиналысы 15 мамырда өтеді деп мәлімдеді.
«15 мамырда екінші жалпыұлттық жиналыс болады. Өздеріңіз білетіндей, ата-аналардың орта есеппен 10-15% -ы ғана жиналысқа барады. Өткен жылы жалпыұлттық жиналысқа оқушылардың 80 пайызының ата-аналары келді. Бұл жақсы көрсеткіш. Сондықтан, биылғы жылы бұл нәтижені қайталағымыз келеді. Министрліктің атынан барлық жұмыс берушілерден, соның ішінде мемлекеттік органдардан 15 мамырда ата-аналарды жұмыстан ерте жіберулеріңізді сұраймыз. Себебі, ата-аналар уақытында мектепке келіп, балалары оқып жүрген білім ордасының өмірімен егжей-тегжейлі танысулары керек»,-деді Білім министрлігінің басшысы Ерлан Сағадиев.
Оқи отырыңыз:
Медицина университеті студенттерінің IELTS сертификаттарының жалған екенін қалай білген
Қазақстандық кәсіпкер Жомарт Ертаев Ресей азаматтығын алуды сұрады
Оралдық азамат енесін атып өлтіріп, қайын атасын жарақаттаған
Алматыда күзетші мейрамханаға келген қызды сүйреп шығарып жіберген: Көпшілік ресторанға бойкот жариялады
