“Ringo” мен “Aymi” топтары бір айлық демалыстарын бірге өткізді
“Ringo”, “Aymi”, “Renzo” сынды топтарға жетекшілік ететін Алуа Қонарова Stan.kz тілшісіне берген сұхбатында алғашқы екі топтың бір айлық демалысқа кететіні туралы хабарлаған болатын. Мінеки, демалыстары да аяқталып, қайта іске кіріскен сыңайлы. Үлкен отбасы болып өткізген демалыстың қалай өткенін бірге тамашалайық.
Демалысқа “Ringo”, “Aymi” топ мүшелерінен бөлек, Аян Бірбаев пен Әділжан Омаровтың жары және балалары барған екен.
Алуа Қонарова сыни пікірлерді алдын алып бірден “Қалайсыңдар? Мен су киімімен теңіздемін. Шынымдай айтайын, киіммен жүзу өте қиын. Ашық-шашық ұят емес пе секілді сындар жазылар болса деп алдын ала түсіндіріп кетейін дегенім” деп жазды.
“Aymi” тобының қыздары мұндай пікірлердің жазылатынын ескермеген секілді.
Қазақ эстрадасы осыған дейін тағы да бір қыздар тобымен толыққан еді. Ол – атауы жапон тілінен аударғанда “ирис гүлі” деген мағынаны білдіретін Аюми тобы. Аюми тобында Айдана, Айка, Ақназ есімді үш қыз бар.
Алғашқы бейнебаяндарын Батыр Байназаров жазған “Әнім” атты туындыға түсірген болатын.
Батыр Байназаров бұл жолы да “Aymi” тобының қыздарына арнап хит жазып та үлгерген екен.
Суреттегі Аян Бірбаевтың Айнұр есімді жары мен баласы. Естеріңізде болса, екі жас 2013 жылы отау құрған. Айнұр бастапқыда әншінің ұсынысына екі рет жоқ деп жауап берген екен. Осыдан кейін Аян сүйіктісін тыныш қалдыруды ойлайды. Бірақ соңында Айнұрдың өзі қайтып келеді.
Продюсер топ мүшелерінің балаларын туғанындай көріп, өзінікіндей жақсы көреді. Мұны инстаграмдағы парақшасынан-ақ байқауға болады.
Дәл қазір продюсер мен топ мүшелері елге оралып, іске білек сыбана кіріскен.
Естеріңізде болса, осы уақытқа дейін “Ringo” тобының соңғы жаңалықтары туралы жазған болатынбыз.