Ресейлік дизайнер мысық бейнесіндегі сөмкелер шығарды
Ресейлік модельер және өзінің жеке брендінің негізін салушы Ульяна Сергеенко мысық бейнелі сөмкелер топтамасын көпшілік назарына ұсынды. Аталған сөмкелер метталлдан, қымбат тастардан жасақталған.
Сурет vk.com
Бұл туралы lenra.ru хабарлайды.
Топтамаға бес түрі енгізілген. Дизайнердің шешімі бойынша, мысықтың көздерін перде жауып тұрады. Модельер бірнеше образдар жасап шыққан: қызыл көйлектегі цыған, үнді ханшайымы, Дэвид Боуидың тыңдарманы және кабар әртісі секілді образдар бар.
Ульяна Сергеенко өзінің жеке брендтерімен 2011 жылдан бері айналысып келе жатыр. Сән апталығында өзінің топтамаларын жиі таныстырып отырады. Мәселен, haute couture киімдері 2014 жылы Парижде көрсетілген. Топтаманы жасау кезінде інжумен өрнектеу, түрлі шашақтар технологиясын пайдаланған. Сөмкелерді қолмен өрнектеп шығуға 500 сағат уақыт кетіпті.
Бұл брендтің тұтынушылары арасында танымал адамдардан – топ-модель Наталья Водянова, Диана Крюгер, Мирослава Дума, Рианна және тағы басқалар бар.
