Ресейдің рубль банкноттарында мешіт суреті басылады

2017-жылы қолданысқа енгізілетін 200 немесе 2000 рубль номиналдарында «Шешенстан жүрегі» мешітінің бейнеленуі мүмкін. Бұл жайында Рамзан Қадыровтың баспасөз хатшысы Альви Каримов мәлімдеді.

Сурет Reuters

Бұл туралы baq.kz хабарлайды.

«Жаңа ақшалардың бетінде Ахмат Қадыров атындағы мешіттің суретін салуға болады. Сондай-ақ, тарихи әрі көркем қала ретінде Грозный суретін де ұсынуға болады», – дейді ол.

Айта кетейік, жаңа купюраларды шығарылатыны жайлы бүгін мәлім болып отыр. Ресей Орталық Банкінің басшысы Эльвира Набиуллинаның айтуынша, жаңа ақшалар сауда тиімділігін арттыруы тиіс.

Бұған дейін Мәскеудің ақша сарайында Қағба бейнесі күміс маркаларға таңбалаған болатын.