ОҚО-да адам шошырлық ғимаратта өлместің күйін кешкен мүгедектер тұрып жатыр

Жұма, 18 Қараша , 2016 15:04

Оңтүстік Қазақстанда мүгедек отбасылар үй кезегінен алынып тасталған. Созақ ауданында тұратын олар бұл туралы былтыр ғана біліпті.  Аудан басшыларына мұңын шағып барғанда, атқамінерлер «әр мүгедекке үй беру біздің міндет емес» деп шығарып салған, деп хабарлайды КТК арнасының сайты.

1051265

Апатты жағдайдағы көне ғимаратта өлместің күйін кешіп жүрген жарымжан жанұялардың хәлін тілшіміз Бек Әбиев көріп келді.

Бұл ғимаратта созақтық шенеуніктердің назарынан тыс қалған бір топ мүгедек отбасы тұрады. Тұрғызылғанына 40 жылдан асқан ғимаратқа 5 жыл бұрын билік 7 отбасын уақытша деп кіргізген екен. Содан бері жергілікті әкімдік жарымжан жанұялар туралы тарс ұмытқан.

Екі қабатты үйдің сырты бүтін көрінгенімен, іші адам шошырлық. Көк басып, қақырап тұрған қабырғалар, сояудай шыққан электр сымдары онсыз да сүреңсіз үйдің берекесін кетіріп тұр. Оған қоса қыс бойы жағылатын керосин иісі ғимаратқа кіргеннен қолқаны қабады.

Далаға кіріп шыға алмайды міне. Тас соқыр.

Жоғарғы қабаттағы мүгедектер ескі ғимараттың баспалдағынан түсе алмай, үйлерінде айлап қамалады. Ол аздай, осы жерге жарымжандарды уақытша тұрыңдар деп кіргізген әкімдік бір жылдан соң еш ескертпестен үй кезегінен шығарып тастаған. Арыз айтып барғандарға құлақ та аспапты.

-“Мен беруге міндетті емеспін, кезінде алдыңдар деп шығарып жіберді. Сонда біз не істеуіміз керек?”, – дейді Шолаққорған ауылының тұрғыны Серік Тілегенұлы.

Міндетті емеспін деп мүгедектерге жүре жауап қатқан Мақсат Исаев осы ауданның әкімі. Алайда ол, бар былыққа өзінің алдындағы әкімді кінәлады. Мүгедектерге дөрекілік көрсетпедім деген шенеунік, тіпті олар үшін демеушілер есебінен қыс бойы жылуды тегін тартып бергенін алға тартты. Ал баспана мәселесі жуық арада шешілмейді деп ашық айтып отыр.

“Салынып жатқан үйлерден бере алмаймыз. Себебі, қазір үйлеріңіз бар. Алдағы уақытта жергілікті бюджеттен басқа кеңейтілген үйлер сатып алуға мүмкіндік қарастырайық деп айтқан уәдем бар.  Ол азаматтардың мүгедектігін ескеріп, жер үйге ауыстыруға әрекет жасап берейік дегенмін”, – дейді Созақ ауданының әкімі Мақсат Исаев.

Бір айдан соң 50 отбасына арналған жекеменшік үйлер берілмекші. Келесі жылы үй кезегінде тұрған тағы 20 отбасына үй беріледі екен. Бірақ кезектен шығарылған шолаққорғандық мүгедектер бұл тізімде жоқ.

Жіберіп алмаңыз:

Павлодарда оқушылар бестік бағасын тәтті тоқаштарға ауыстыра алады

Тіс дәрігерлері: Баланың сүт тісін тастамаңыз, ол өмірін құтқарып қалуы мүмкін

Бойжеткен желіде танысқан сүйіктісіне алданып секс-құлдыққа түскенін айтып берді (видео)

Алматыда жалаңаш қазақ қыздары ер азаматтарға массаж қызметін ұсынуда (видео)

Ақтауда 6 жасар қызды зорлады деген күдіктінің ағасы өлі күйінде табылды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Пікір қалдыру


wpDiscuz
Орташа айырбас бағамы
06.12.16
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар