Нұржан Керменбаев: Перзентханаға бірге баратын еркектерді түсінбеймін

Жақында ұлды болған әнші, қазақтың қара баласы аталып кеткен Нұржан Керменбаев екінші рет әке атанғаннан кейінгі сезімімен бөлісті. Ол балаларының болашағын қатты уайымдайтынын жасырмады.

Бұл туралы comode.kz жазды.

Әнші ұлының есімін атап, ата-ана парызы туралы айтты.

“Ұлымның есімін Омар деп қойдық. Біз нұсқаларды ұсындық, анам ішінен өзіне ұнағанын таңдап алды. Бірінші балам Мүслімді де біз ұсынып, анам таңдаған еді. Баланың есіміне үлкен мән беру керек. Және сол есімге лайықты етіп тәрбиелеу керек. Бұл ата-ананың басты парызы деп білемін”, – деді Керменбаев.

Ол  әйелі босанған кезде серіктес болатын азаматтарды түсінбейтінін, әлі ондай қадамға баруға дайын еместігін түсіндірген.

“Қай перзентханада босанғаны және қасына серіктес болып кім кіргені де есімде жоқ. Өз басым әйелі босанған кезде серіктес болатын азаматтарды түсінбеймін. Әрине, әркімнің талғамы мен түсінігі әртүрлі ғой. Мен мұндай үлкен қадамға баруға дайын емеспін. Себебі, толғақ пен адамнан адамның шығуы оңай еместігін естуім бар. Сол қиын процессті көрсем әйелімді үнемі аяп, сезімім де өзгеріп кететін сияқты”, – дейді ол.

Керменбаев 2 ұлы дүниеге келгенде де басқа қалада болған және бұл әрекеті үшін өкінбейді екен.

“Омар өмірге келген кезде мен Лондонға іс-сапармен кеткен едім. Бірінші ұлым дүниеге келген кезде де басқа қалада болдым. Осы жолы да түсіндіріп айттым. «Бұл сапарды ұзақ жоспарладым. Сондықтан, жолымнан қала алмаймын. Оның үстіне толғақ пен босану кезінде менің қолымнан ештеңе де келмейді. Бар болғаны дұға ете аламын. Ең бастысы, перзентханадан өзім шығарып аламын»,-деп бәрін түсіндірдім. Ол да қарсы болмады. Осылайша Аллаға аманаттап жолға шықтым. Менің туған күнім 17-ақпан болса, Омарым Алланың қалауымен 18-ақпан күні дүниеге келді”, – деп әке болғанын естігенде қуанышында шек болмағанын жасырмады.

Әншіні балаларының салмағы мен бойы емес болашағы алаңдататынын айтты.

Оның айтуынша, үлкен ұлы әкесі мен анасын кішкентайдан қызғанады екен. Оның бұл қылығы заңды екенін де мойындады.

“Салмағы мен бойы туралы айта алмаймын. Дәл қазір есімде жоқ. Мені бойы мен салмағы емес, балаларымның болашағы қатты қызықтырады, уайымдатады. Әрине, мүмкіндігінше балаларымның тәрбиесіне араласып, анасына бағыт-бағдар беруге тырысамын. Себебі, саналы, иманды ұрпақ тәрбиелеу әр ата-ананың парызы ғой. Қазір барынша білгенімізді үйретуге,түсіндіруге тырысып жүрміз. Ал, оның жемісі қандай болатыны – уақыттың еншісінде. Тұңғышым әлі кішкентай ғой. Сондықтан, қызғанады. Омарды қолыма алып иіскегенімді көрсе бірден жатып алып жылайды. Мұндай реакцияға біз алдын ала дайын болдық. Өйткені, көптеген адамдар балалардың арасындағы қызғаныштың заңдылық екенін ескертті. Қолымыздан келгенше, үлкеніміздің қызғанышын махаббатқа, бауырмалдылыққа ұластыруға тырысып жүрміз. Оның бәрімен көп кезде анасы айналысатыны да жасырын емес. Баршамыздың ұрпақтарымыз ақылды әрі иманды болып өссін”, деп тілегін білдірді әнші.

Тағы оқыңыз:

Сәкен Майғазиев “Ақыл тоқтатқан” адамдарды есін жиюға шақырды

Өнер жұлдыздары жағдайы нашар отбасыға баспана сыйлады

Солтүстік ақ мүйізтұмсықтың соңғы аталығы өлді

Аурухананың алдына келіп жатып алған алып қолтырауын жұртты шошытты

АҚШ-та ер адам 4 жасар қызын жезөкшелікке мәжбүрлеп, сатып жібермек болған

 

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
20.11.18
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар