Өзбекстан су тасқынынан зардап шеккен қазақстандықтарға гуманитарлық көмек жіберді

Өзбекстан президенті Шавкат Мирзиеевтің тапсырмасы бойынша Қазақстанға су тасқынынан зардап шеккен аудандардың тұрғындары үшін гуманитарлық көмек тиілген 15 жүк көлігі жіберілді. Бұл туралы Stan.kz ақпарат агенттігі хабарлайды.

Фото Өзбекстан премьер-министрі Telegram арнасы

Көмектің жіберілгені туралы Өзбекстан премьер-министрі Абдулла Ариповтың баспасөз қызметі мәлімдеді.

15 жүк көлік су тасқынан зардап шеккен қазақстандықтарға қажетті өнімдерді апарады. Атап айтқанда: азық-түлік, балалар мен ересектерге арналған киім-кешек, матрацтар, көрпелер, жастықтар, гигиеналық құралдар, арнайы жабдықтары бар шатырлар, резеңке қайық жинақтары және басқа да қажетті керек-жарақтар бар. 

• Қазақстанда су тасқынынан зардап шеккендердің қандай мүліктеріне өтемақы төленеді – Үкімет тізім жариялады

• Түркістан облысында жоқ бөгетке 2,2 миллиард теңге бөлінген – Әкімдік пікір білдірді

Еске салсақ, еліміздің 10 аймағында су тасқыны орын алған еді. Бұған дейін Қырғызстан Қазақстанға гуманитарлық көмек жіберген еді.