Назарбаев: Ұлттық қордағы қаражатты сақтау керек, алда не болары белгiсiз

Жұма, 9 Қыркүйек , 2016 13:14

Ақордада өткен Үкiметтiң кеңейтiлген отырысында елбасы Нұрсұлтан Назарбаев Үкiметке Ұлттық қордан қарастырылған бiрқатар трансферттердi қысқартуды тапсырды.

20160909120624

Бұл туралы BNews.kz хабарлайды.

«Бүгiн отырыста айтылған мiндеттердi орындау үшiн Үкiметке биылғы жылға арналған республикалық бюджетке өзгерiстер енгiзiп, Парламентке ұсынуды тапсырамын. Мен айтқан барлық мiндеттерге қосымша 380 млрд теңге бөлу керек. Оның 280 млрд теңгесi бүгiн айтқан шараларға, 100 млрды өзге шығындарға бағытталады. Бұндай қаражат бiзде бар», – дедi Мемлекет басшысы.

Елбасы Ұлттық қордағы қаражатты сақтау керек дейдi. Сондықтан Үкiметке бiрқатар трансферттердi қысқартуды тапсырды.

«Бiздi ылғи құтқаратын Ұлттық қордағы қаражатты сақтауымыз керек. Алдымызда не күтiп тұрғанын кiм бiледi. Сондықтан бiзге резерв керек. 2016 жылы кепiлдендiрiлген трансферт көлемiн 400 млрд теңгеге қысқартуды тапсырамын. Алмаңдар, Ұлттық қорда қалсын, бұған мүмкiндiк бар. Мақсатты трансферт 50 млрд теңгеге қысқарады», – дедi Назарбаев.

«Үкiмет менiң тапсырмаларымды орындауға қажет шығындарды 2017-2019 жылдарға арналған республикалық бюджет жобасында қарастыруы керек. Бұл мәселенi Президент Әкiмшiлiгi қатаң бақылауына алады», – дедi президент.

Бүгiн Ұлттық экономика министрi хабарлағандай, Ұлттық қордағы актив 64,7 млрд АҚШ долларына жеткен. Ал Қазақстанның халықаралық резервi жыл басынан берi 4,2 пайызға өсiп, 95,2 млрд АҚШ долларын құрады.

Жіберіп алмаңыз:

Елбасы: Жобаларды республикалық бюджеттен қаржыландыру қысқартылсын

Елбасы әкімдерге жастарды оңтүстіктен солтүстікке белсенді түрде орналастыруды тапсырды

Назарбаев Мәсiмовтiң ҰҚК-нің төрағалығына тағайындалу себебiн түсiндiрдi

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев

Leave a Reply

Your email address will not be published.

Орташа айырбас бағамы
28.05.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар